Q – Félag hinsegin stúdenta

Úr Wikipediu, frjálsa alfræðiritinu
Jump to navigation Jump to search
Q - Félag hinsegin stúdenta
Merki samtakanna
Stofnað 19. janúar 1999
Forseti Valgerður „Vallý“ Hirst Baldurs
Varaforseti Sólveig Daðadóttir
Heimilisfang Suðurgata 3, 101 Reykjavík
Netfang queer@queer.is
Vefsíða www.queer.is

Q – Félag hinsegin stúdenta er hagsmunafélag Samtakanna 78. Félagið beitir sér í réttindabaráttu hinsegin (LGBTQIA+) fólks innan sem og utan háskólasamfélagsins, sér um vísindaferðir fyrir nemendafélög háskólanna og heldur viðburði fyrir hinsegin ungmenni á aldrinum 18-30 ára.

Markmið Q-félagsins er að vera sýnilegt hagsmunaafl innan háskólanna, gefa hinsegin stúdentum tækifæri til að hittast, veita þeim stuðning og auka samheldni þeirra. Félagið stuðlar að sýnileika hinsegin málefna og einstaklinga innan háskólanna með því að sjá um fræðslu og hvetja til aukinnar kennslu, umræðu og rannsóknum um málefnin.[1]

Saga félagsins[breyta | breyta frumkóða]

Q – Félag hinsegin stúdenta var stofnað 19. janúar árið 1999 undir nafninu Félag samkynhneigðra stúdenta (FSS). Hvati að stofnunar félagsins var m.a. leikrit Felix Bergssonar „Hinn fullkomni jafningi“ og aukin þörf fyrir umræðu og hópamyndun á meðal samkynhneigðra stúdenta innan . Að sögn Alfreðs Haukssonar, fyrsta formanni félagsins, hafði hópurinn ekki getað hist nema á skemmtistöðum og því hafi lítill, en sívaxandi, hópur byrjað að hittast kaffihúsi. Markmið FSS var því að vera vettvangur fyrir samkynhneigða stúdenta og annað stuðningsfólk þeirra til að hittast.[2]

Á aðalfundi félagsins árið 2008 var ákveðið að breyta nafni þess úr FSS í Q til þess að ná yfir víðari hóp hinsegin fólks. Var sú ákvörðun tekin í kjölfar breytingar undirtitils félagsins úr „félag samkynhneigðra, tvíkynhneigðra og trans stúdenta“ í „félag hinsegin stúdenta“.[3]

Stjórn Q – Félags hinsegin stúdenta[breyta | breyta frumkóða]

Stjórn Q-félagsins, starfsárið 2019–2020:

  • Formaður: Valgerður „Vallý“ Hirst Baldurs
  • Varaformaður og fræðslustýra: Sólveig Daðadóttir
  • Gjaldkeri: Sigtýr Ægir Kárason
  • Ritari: Ása Elín Helgadóttir
  • Hagsmuna- og alþjóðafulltrúi: Hrefna Ósk Maríudóttir
  • Viðburðarstýra: Afomia Yirga Mekonnen
  • Varamaður stjórnar: Adda Þóreyjardóttir Smáradóttir

Tilvísanir[breyta | breyta frumkóða]

  1. Vef. „Um félagið“, Q - félag hinsegin stúdenta, https://queer.is/is/um-felagid/
  2. „Félag samkynhneigðra stúdenta stofnað“, Morgunblaðið, 20. jan 1999, bls. 10
  3. Brynjar Smári Hermannsson, „Q-ið er hinsegin“, Fréttabréf Samtakanna '78 maí 2008, bls. 5