Konstantín Paústovskíj

Konstantín Pástovskí Константин Паустовский
Konstantín Pástovskí árið 1954
Fæddur	19. maí 1892 Kænugarði, rússneska keisaradæminu (nú Úkraínu)
Dáinn	14. júlí 1968 (76 ára) Moskvu, rússneska sovétlýðveldinu, Sovétríkjunum (nú Rússlandi)
Störf	rithöfundur
Undirskrift

Konstantín Gregoríjevítsj Pástovskí (rússneska: Константин Гео́ргиевич Паустовский) (19. maí 1892 - 14. júlí 1968) var rússneskur og sovéskur rithöfundur. Hann hefur oft verið kallaður fremstur rússneskra höfunda síðan Maksím Gorkíj leið. Hann var fjórum sinnum tilnefndur til Nóbelsverðlauna í bókmenntum (1965; 1966; 1967; 1968).

Konstantín Pástovskí fæddist og ólst upp í Kænugarður, höfuðborg Úkraínu, þar sem faðir hans var járnbrautarstarfsmaður, en móðir hans var af pólskum ættum. Árið 1913 hóf Pástovskí nám við háskólann í Moskvu, gerðist síðan blaðamaður og reyndi sitt af hverju á byltingarárunum, en 1927 sneri hann sér fyrir alvöru að ritstörfum. Rit hans, skáldsögur, smásögur og ritgerðir, eru í miklum metum bæði í Sovétríkjunum og utan þeirra, en frægust er sjálfsævisaga hans, Mannsævi, sem byrjaði að koma út 1947.

Pástovskí hefur ekki síst verið hælt fyrir grandvarleik sinn og sannleiksást; sjálfur segist hann hafa sett sér þá reglu í ritun sjálfsævisögunnar að segja frá engu öðru en því sem hann var sjálfur vitni að. Eigi að síður, eða kannski vegna þess, gefur bók hans óvenju skýra lýsingu á lífi í Rússaveldi og Sovétríkjunum fyrir byltingu, á byltingar- og borgarastríðsárunum og síðar.

Helstu verk

• Komandi skip («Встречные корабли»), (1928)
• («Блистающие облака»), (1928)
• («Кара-Бугаз»), (1932)
• («Судьба Шарля Лонсевиля»), (1933)
• Kolkis («Колхида»), (1933)
• («Романтики»), (1935)
• Svartahaf («Черное море»), (1936)
• («Исаак Левитан»), (1937)
• («Орест Кипренский»), (1937)
• Taras Sjevtjenko («Тарас Шевченко»), (1939)
• Mannsævi («Повесть о жизни»), (1945—1963 - ísl. þýð. Halldór Stefánsson

Heimildir

• Mannsævi / eftir Konstantín Pástovskí; Halldór Stefánsson íslenzkaði. - Reykjavík: Heimskringla, 1968-1970
• Ólafur Jónsson, Draumsýn um hamingju, Vísir - 211. Tölublað (26.09.1969)

  Þessi bókmenntagrein er stubbur. Þú getur hjálpað til með því að bæta við greinina.