Vilhjálmur Þ. Vilhjálmsson

Vilhjálmur Þórmundur Vilhjálmsson (f. 26. apríl 1946), er fyrrverandi borgarstjóri í Reykjavík.

Vilhjálmur lauk stúdentsprófi frá Verslunarskólanum 1968 og lögfræðiprófi frá Háskóla Íslands 1974. Vilhjálmur hefur verið mjög virkur í flokksstarfi innan Sjálfstæðisflokksins og var í stjórn Heimdallar 1965-67. Hann sat í stjórn SUS 1971-1977 og var þar af varaformaður 1973-1977. Vilhjálmur var kjörinn í borgarstjórn Reykjavíkur árið 1982. Vilhjálmur var jafnframt í stjórn Sambands íslenskra sveitarfélaga frá 1986 til 2006, þar af var hann formaður 1990-2006.

Vilhjálmur var borgarstjóri í 16 mánuði, 2006-2007, í valdatíð meirihluta Sjálfstæðisflokks og Framsóknarflokks, og formaður borgarráðs 24. janúar til 21. ágúst 2008, í valdatíð meirihluta Sjálfstæðisflokks og F-lista. Hann tók við embætti forseta borgarstjórnar 21. ágúst 2008 og gegndi því út kjörtímabilið er hann hætti í borgarstjórn eftir 28 ára samfellda setu.

Vilhjálmur var oddviti borgarstjórnarflokks Sjálfstæðisflokksins í Reykjavík 2003-2008.

Sjá einnig

• Eimreiðarhópurinn

Heimildir

• Ferill Vilhjálms á heimasíðu Reykjavíkurborgar Geymt 9 september 2009 í Wayback Machine

Fyrirrennari: Steinunn Valdís Óskarsdóttir

Borgarstjóri Reykjavíkur (13. júní 2006 – 16. október 2007)

Eftirmaður: Dagur B. Eggertsson

  Þetta æviágrip er stubbur. Þú getur hjálpað til með því að bæta við greinina.