Crymogea

Úr Wikipediu, frjálsa alfræðiritinu
Jump to navigation Jump to search
Crymogea getur einnig átt við bókina Crymogæa eftir Arngrím Jónsson lærða.

Crymogea er bókaútgáfa sem stofnuð var árið 2007 af Snæbirni Arngrímssyni og Kristjáni B. Jónassyni, sem jafnframt er útgáfustjóri. Crymogea er til húsa á Barónsstíg 27 og gefur út bækur um ljósmyndun, myndlist og hönnun.

Crymogea hefur gefið út bækur eftir ýmsa þekktustu ljósmyndara Íslendinga, svo sem Ragnar Axelsson, Pál Stefánsson og Vigfús Birgisson, og einnig bækur með verkum myndlistarmanna á borð við Eggert Pétursson, Guðrúnu Einarsdóttur og Kristinn E. Hrafnsson. Forlagið gefur út ritröð um íslenska samtíðarlistamenn i samstarfi við Listasjóð Dungal.

Nafn útgáfunnar er fengið frá höfuðriti Arngríms Jónssonar lærða (1568-1648), Crymogaea sive rerum Islandicarum libri III, sem fyrst kom út í Hamborg árið 1609, og er hann verndari útgáfunnar.

Í apríl 2011 óskaði bókaútgáfan því að listaverkið Fallegasta bók í heimi yrði fjarlægt af sýningunni KODDU í Nýlistasafninu. Listaverkið byggir á bókinni Flora Islandica, sem bókaútgáfan hafði gefið út og þótti henni listaverkið brjóta á sæmdarrétti höfunda bókarinnar. Nýlistasafnið varð við ósk forlagsins og fjarlægði verkið úr sýningarsal sýnum. Verkið var þá flutt á þann hluta sýningarinnar sem var í Alliance-húsinu, en ekki var orðið við þeirri kröfu að því yrði eytt.