Blikastaðakró

Blikastaðakró er ríflega 2 km strandlengja sem liggur við ósa Úlfarsár að odda Geldinganess þar sem skiptast á grunn vik eða víkur með sand og/eða malarfjöru og 2 - 4 m há klettanef sem ganga í sjó fram. Dýpsta víkin er Gorvík. Klettnefin eru vaxin mólendisgróðri og fléttugróðri, en inn af vikunum er graslendi og stundum mólendi og votlendisblettir. Mikið fuglalíf er í Blikastaðakrá á öllum árstímum og þar eru mikill fjöldi margæsa á fartíma og sendlinga að vetrarlagi. Svæðið er allt á náttúruminjaskrá og IBA-skrá og hluti svæðisins Varmárósar var friðlýstur árið 1980.

Fuglalíf í Blikastaðakró

Þessar fuglategungir hafa sést:

Fýll er algengur frá á útmánuðum og fram á haust og verpur stundum í Gorvík
Dílaskarfur er strjáll vetrargestur
Grágæs er strjáll varpfugl í Korpúlfsstaðahólma
Margæs er fargestur
Rauðhöfðaönd er algengur vetrargestur
Stokkönd er algengur vetrargestur og varpfugl sem sést allt árið
Æður er algeng allt árið. Hún verpur í Korpúlfsstaðahólma og einnig við Úlfarsá
Hávella er algengur vetrargestur
Toppönd er strjáll varpfugl
Tjaldur er algengur vetrargestur og strjáll varpfugl
Sandlóa er strjáll varpfugl og allalgengur fargestur
Heiðlóa er strjáll varpfugl og allalgengur fargestur
Sendlingur er strjáll fargestur
Lóuþræll er allalgengur fargestur
Rauðbrystingur er allalgengur fargestur
Sanderla er strjáll fargestur
Hrossagaukur er strjáll varpfugl
Jaðrakan er strjáll fargestur
Spói er strjáll varpfugl
Tildra er strjáll vetrargestur og allalgengur fargestur
Stelkur er allalgengur vetrargestur og fargestur en strjáll varpfugl
Hettumáfur er allalgengur árið um kring en strjáll varpfugl
Stormmáfur er allalgengur á vorin og var áður varpfugl
Sílamáfur er algengur gestur og var áður algengur varpfugl en er nú strjáll varpfugl
Silfurmáfur er sjaldséður gestur en var áður varpfugl
Hvítmáfur er fremur sjaldséður gestur
Svartbakur er fremur sjaldséður en var áður varpfugl
Rita er sjaldséður gestur
Kría er allalgengur gestur og strjáll varpfugl
Langvía er strjáll vetrargestur
Álka er strjáll vetrargestur
Haftyrðill er strjáll vetrargestur
Þúfutittlingur er strjáll varpfugl
Steindepill er strjáll gestur
Hrafn sést allt árið og varp áður í sjávarhömrum við Gorvík
Snjótittlingur er vetrargestur

Heimildir