Fara í innihald

Aron Can

Úr Wikipediu, frjálsa alfræðiritinu
Aron Can
Aron Can árið 2018
Fæddur
Aron Can Gultekin[1]

18. nóvember 1999 (1999-11-18) (25 ára)
Reykjavík, Ísland
Störf
  • Söngvari
  • rappari
Börn1[2]
Tónlistarferill
Ár virkur2016–í dag
Stefnur
HljóðfæriRödd
Útgefandi
Meðlimur íIceGuys
Vefsíðaaroncan.com

Aron Can[a] (f. 18. nóvember 1999)[7] er íslenskur rappari og tónlistarmaður.[3] Árið 2016 gaf hann út frumraun sína, Þekkir Stráginn, þegar hann var 16 ára. Hann var vinsælasti íslenski tónlistarmaðurinn á Spotify á Íslandi árið 2017. Tónlist hans hefur verið lýst sem tilfinningarappi eða trapp-tónlist með innblæstri frá Drake, Future og Young Thug.[8][9] Meðal þekktra laga eru „Enginn Mórall“, „Fullir vasar“ og „Allt það sem ég var“. Hann er einn af fimm meðlimum í strákahljómsveitinni IceGuys.

Ævi og ferill

[breyta | breyta frumkóða]

Æska og upphaf ferils

[breyta | breyta frumkóða]

Aron er fæddur og uppalinn í Grafarvogi.[10] Pabbi hans er tyrkneskur veitingahúsarekandi sem rak veitingastaðinn Kebabhúsið á Austurstræti.[10] Aron starfaði á Kebabhúsinu þegar hann varð frægur.[11] Sem barn breikdansaði hann í einum þætti af Kastljósi á RÚV.[12] Hann kom í fyrsta skiptið fram opinberlega í undankeppni Samfés í Víkurskóla með frumsömdu lagi.[9] Hann vann keppnina og keppti í kjölfarið á Söngkeppni Samfés árið 2014.[13]

2016: Þekkir Stráginn

[breyta | breyta frumkóða]

Þann 1. maí 2016 gaf hann út fyrstu stuttskífuna sína, Þekkir Stráginn, á eigin vefsíðu sem hrundi tímabundið vegna eftirspurnar.[14] Á stuttskífunni er lagið „Enginn Mórall“ sem varð fljótt vinsælt.[15][16][17] Aron kom fram á mörgum framhaldsskólaböllum í kjölfarið.[18] Þann 28. júlí 2016 kom út lagið „Silfurskotta“ frá Emmsjé Gauta sem Aron syngur inn á.[19][20] Í september 2016 gaf hann út lagið „Lítur vel út“ sem var aðallag kvikmyndarinnar Eiðurinn eftir Baltasar Kormák sem kom út í september 2016.[10] Á árinu kom hann fram á ýmsum tónlistarhátíðum eins og Secret Solstice og Iceland Airwaves.[21][22] Á íslensku tónlistarverðlaununum 2016 hlaut Aron þrjár tilnefningar, þar á meðal sem bjartasta vonin.[23]

2017–2018: ÍNÓTT og Trúpíter

[breyta | breyta frumkóða]

Þann 13. mars 2017 kom út lagið „Fullir vasar“ sem varð fljótt vinsælt.[24] Í kjölfarið kom út fyrsta breiðskífa hans, ÍNÓTT, þann 19. apríl 2017.[16] Hann kom aftur fram á Secret Solstice og Iceland Airwaves auk þess að koma fram á Sónar.[25][26][27] Hann kom fram á Þjóðhátíð í Vestmannaeyjum 2017.[28] Aron var vinsælasti íslenski tónlistarmaðurinn á Spotify á Íslandi árið 2017 og átti sömuleiðis vinsælasta íslenska lagið, „Fullir vasar“ á streymisveitunni.[29][30]

Í ársbyrjun 2018 samdi hann við útgáfufyrirtækið Sony Music.[5] Þann 25. maí gaf Aron Can út sína aðra breiðskífu, Trúpíter.[31] Hún fór beint í efsta sæti vinsældalista.[32] Um sumarið kom hann fram á tónlistarhátíðinni North Of í Harstad í Noregi.[33][34] Aron kom fram þriðja árið í röð á Secret Solstice.[35] Þann 22. september 2018 kom út lagið „Eina sem ég vil“ sem hann gerði með ClubDub.[36]

2019–í dag: ANDI, LÍF, HJARTA, SÁL og IceGuys

[breyta | breyta frumkóða]

Þann 5. júlí 2019 gaf hann út lagið „Allt það sem ég var“.[12] Þann 25. október 2019 kom út lagið „Hingað þangað“ sem hann og Friðrik Dór gerðu saman.[37] Aron var ekki bókaður fyrir Secret Solstice hátíðina 2019, en will.i.am bauð honum upp á svið til að koma fram með hljómsveitinni sinni Black Eyed Peas.[38]

Þann 30. apríl 2021 gaf hann út lagið „Flýg upp“ sem var á þriðju breiðskífunni hans ANDI, LÍF, HJARTA, SÁL sem kom út 25. júní sama ár.[39] Platan hafði verið í vinnslu í rúm tvö ár.[40] Til að kynna plötuna kom hann meðal annars fram á Tónaflóði í Hörpu og í sjónvarpsþættinum Heima með Helga á Stöð 2.[41][42] Aron kom fram í lokalagi Áramótaskaupsins 2022, „Búið og bless“.[43] Árið 2023 gekkst hann til liðs við strákahljómsveitinna IceGuys.[44]

Viðurkenningar

[breyta | breyta frumkóða]

Aron var tilnefndur til íslensku tónlistarverðlaunanna árið 2017 fyrir rappplötu ársins, rapplag ársins, og sem bjartasta vonin.[45] Það ár vann lagið „Silfurskotta“ sem Emmsjé Gauti tók með Aroni Can.[23][46] Hann var aftur tilnefndur árið 2018 fyrir rappplötu ársins og rapplag ársins.[47] Tónlistarmyndbandið við lagið „Aldrei heim“ af Trúpíter var valið sem myndband ársins á Hlustunarverðlaununum 2019.[48] Árið 2022 hlaut hann tvær tilnefningar á íslensku tónlistarverðlaununum fyrir rappplötu ársins og tónlistarmyndband ársins.[46] Sama ár vann hann tvenn verðlaun auk tveggja tilnefninga á hlustendaverðlaununum.[49]

Verðlaun Ár Viðtakandi Niðurstaða Flokkur Tilv.
Íslensku tónlistarverðlaunin 2017 Þekkir stráginn Tilnefning Plata ársins (flokkur: Rapp og hipphopp) [46][45]
„Enginn mórall“ Tilnefning Lag ársins (flokkur: Rapp og hipphopp) [46][45]
Aron Can Tilnefning Bjartasta voninn (flokkur: Rapp og hipphopp) [46][45]
Hlustendaverðlaunin 2017 Aron Can Vann Nýliði ársins [50]
Íslensku tónlistarverðlaunin 2018 ÍNÓTT Tilnefning Plata ársins (flokkur: Rapp og hipphopp) [46][47]
„Fullir vasar“ Tilnefning Lag ársins (flokkur: Rapp og hipphopp) [46][47]
Hlustendaverðlaunin 2019 „Aldrei heim“ Vann Tónlistarmyndband ársins [48]
Íslensku tónlistarverðlaunin 2022 ANDI, LÍF, HJARTA, SÁL Tilnefning Plata ársins (flokkur: Rapp og hipphopp) [46]
„Flýg upp X Varlega“ Tilnefning Tónlistarmyndband ársins [46]
Hlustendaverðlaunin 2022 ANDI, LÍF, HJARTA, SÁL Vann Plata ársins [49]
„Flýg upp“ Tilnefning Lag ársins [49]
Aron Can Vann Söngvari ársins [49]
„Flýg upp X Varlega“ Tilnefning Myndband ársins [49]

Útgefið efni

[breyta | breyta frumkóða]

Stuttskífur

[breyta | breyta frumkóða]
  • Þekkir Stráginn (2016)

Breiðskífur

[breyta | breyta frumkóða]
  • ÍNÓTT (2017)
  • Trúpíter (2018)
  • ANDI, LÍF, HJARTA, SÁL (2021)

Neðanmálsgreinar

[breyta | breyta frumkóða]
  1. ↑ Borið fram [dʒan] („dsjann“) á tyrknesku, eða /kʰaːn/ („kan“) á íslensku.[6]

Tilvísanir

[breyta | breyta frumkóða]
  1. ↑ „Tónlistin best samin seint um nótt og í myrkri. – Aron Can“. Ske.is. Afrit af upprunalegu geymt þann 12. nóvember 2016. Sótt 12. september 2019.
  2. ↑ Óskarsdóttir, Svava Marín (19. apríl 2023). „Aron Can birti fyrstu feðgamyndina - Vísir“. visir.is. Sótt 30. desember 2023.
  3. ↑ 3,0 3,1 „Nýjabrumið í Laugardalnum“. DV. 17. júní 2016. Sótt 12. september 2019.
  4. ↑ Hjartarson, Stefán Þór (19. apríl 2017). „Það er aldrei frí - Vísir“. visir.is. Sótt 30. desember 2023.
  5. ↑ 5,0 5,1 „Aron Can semur við Sony“. Vísir.is. Sótt 12. september 2019.
  6. ↑ „Svona berðu fram nafnið Aron Can“. Rapp í Reykjavík. 19. maí 2016. Sótt 30. desember 2023.
  7. ↑ „Heldur hlustunarpartí og frumsýnir myndband sama kvöldið“. Vísir.is. 30. apríl 2016.
  8. ↑ Arnar Eggert Thoroddsen (28. september 2018). „Hvenær varð íslenskt rapp til og hver er saga þess?“. Vísindavefurinn. Sótt 12. september 2019.
  9. ↑ 9,0 9,1 Gunnarsson, Davíð Roach (28. janúar 2018). „Fer líklega aldrei úr Grafarvoginum - RÚV.is“. RÚV. Sótt 31. desember 2023.
  10. ↑ 10,0 10,1 10,2 Snærós Sindradóttir (22. apríl 2017). „Reif sig upp úr ruglinu“. Vísir.is. Sótt 12. september 2019.
  11. ↑ Pálsson, Stefán Árni (19. maí 2016). „Svona berðu fram nafnið Aron Can - Vísir“. visir.is. Sótt 30. desember 2023.
  12. ↑ 12,0 12,1 Þorláksson, Máni Snær (5. júlí 2019). „Aron Can gefur út nýtt lag - Sjáðu hann breikdansa í Kastljósi sem barn“. DV. Sótt 31. desember 2023.
  13. ↑ „Aron Can - Púgyn - Söngkeppni Samfés 2014 - Vísir“. visir.is. Sótt 30. desember 2023.
  14. ↑ Steinarsson, Birgir Örn (5. mars 2016). „Sprengdi netþjóninn við fyrstu útgáfu“. Vísir.is. Sótt 12. september 2019.
  15. ↑ Stefán Ó. Jónsson (7. febrúar 2017). „Aron Can flutti ofursmellinn í beinni“. Vísir.is. Sótt 12. september 2019.
  16. ↑ 16,0 16,1 Hjartarson, Stefán Þór (19. apríl 2017). „Það er aldrei frí“. Vísir.is. Sótt 12. september 2019.
  17. ↑ Dunn, Frankie (22. febrúar 2017). „This lot are killing the Icelandic music scene“. i-D.
  18. ↑ Hjartarson, Stefán Þór (9. janúar 2016). „Milljónir króna í kostnað á busaböllunum í menntó - Vísir“. visir.is. Sótt 30. desember 2023.
  19. ↑ Steinarsson, Birgir Örn (28. júlí 2016). „Frumsýning: Emmsjé Gauti og Aron Can krúsa um á Silfurskottu - Vísir“. visir.is. Sótt 31. desember 2023.
  20. ↑ Steinarsson, Birgir Örn (26. júlí 2016). „Aron Can undirbýr framkomu á Mýraboltanum - Vísir“. visir.is. Sótt 31. desember 2023.
  21. ↑ „From Iceland — Introducing: Aron Can“. The Reykjavik Grapevine (bandarísk enska). 4. maí 2016. Sótt 31. desember 2023.
  22. ↑ Nútíminn (8. júní 2016). „Aron Can á Iceland Airwaves, fullt af nýjum nöfnum bætast við dagskrá hátíðarinnar“. Nutiminn.is. Sótt 31. desember 2023.
  23. ↑ 23,0 23,1 „Tilnefningar til Íslensku tónlistarverðlaunanna“. www.mbl.is. 16. febrúar 2017. Sótt 31. desember 2023.
  24. ↑ Ritstjórn (13. mars 2017). „Aron Can sendir frá sér nýtt myndband“. Kaffið.is. Sótt 30. desember 2023.
  25. ↑ „The First Secret Solstice 2017 Lineup Announcement Is Here!“. Secret Solstice (bandarísk enska). 7. desember 2016. Sótt 31. desember 2023.
  26. ↑ Sands, Zoë Vala (10. ágúst 2017). „From Iceland — 40 New Acts Added To Iceland Airwaves Lineup“. The Reykjavik Grapevine (bandarísk enska). Sótt 31. desember 2023.
  27. ↑ Clausen, Kristín (14. janúar 2017). „Fjölmargir nýir listamenn á Sónar“. DV. Sótt 31. desember 2023.
  28. ↑ „Aron Can spilar á Þjóðhátíð“. Vísir.is. Sótt 12. september 2019.
  29. ↑ Hólmkelsdóttir, Hulda (6. desember 2017). „Ed Sheeran og Aron Can vinsælastir á Íslandi“. Vísir.is. Sótt 12. september 2019.
  30. ↑ „Aron Can og Emmsjé Gauti einu Íslendingarnir á lista Spotify yfir mest streymdu lög ársins á Íslandi“. Nútíminn. 9. janúar 2017. Sótt 12. september 2019.[óvirkur tengill]
  31. ↑ „Glæný plata frá plánetunni Trúpíter“. Vísir.is. Sótt 12. september 2019.
  32. ↑ Gunnarsson, Davíð Roach (7. júní 2018). „Aron Can beint í efsta sæti tónlistans - RÚV.is“. RÚV. Sótt 31. desember 2023.
  33. ↑ Másson, Bergþór (2. júlí 2018). „Aron Can í víking til Noregs - Vísir“. visir.is. Sótt 31. desember 2023.
  34. ↑ Hjartarson, Stefán Þór (24. maí 2018). „Glæ­ný plata frá plánetunni Trúpíter - Vísir“. visir.is. Sótt 31. desember 2023.
  35. ↑ Pálsson, Stefán Árni (27. mars 2018). „Guðfaðir fönksins spilar á Secret Solstice - Vísir“. visir.is. Sótt 31. desember 2023.
  36. ↑ Pálsson, Stefán Árni (24. september 2018). „ClubDub og Aron Can gefa út lag og myndband saman - Vísir“. visir.is. Sótt 30. desember 2023.
  37. ↑ Hreggviðsson, Þorsteinn (27. október 2019). „Sykur, Aron Can og Friðrik Dór með nýtt - RÚV.is“. RÚV. Sótt 31. desember 2023.
  38. ↑ „Will.i.am bað Aron Can um að spila með sér“. Fréttablaðið. Sótt 12. september 2019.
  39. ↑ „Nýr kafli í lífi Arons Can“. www.mbl.is. 25. júní 2021. Sótt 31. desember 2023.
  40. ↑ Hreggviðsson, Þorsteinn (19. júlí 2021). „Aron Can – Andi, líf, hjarta, sál - RÚV.is“. RÚV. Sótt 31. desember 2023.
  41. ↑ Björnsdóttir, Anna María (22. ágúst 2021). „Aron Can flaug upp til ímyndaðra áhorfenda - RÚV.is“. RÚV. Sótt 31. desember 2023.
  42. ↑ „Aron Can tók eitt sitt vinsælasta lag“. www.mbl.is. 10. nóvember 2021. Sótt 31. desember 2023.
  43. ↑ „Áramótaskaup 2022 - öll atriðin - Lokalag“. 31. desember 2022. Sótt 31. desember 2023.
  44. ↑ Logason, Boði (20. júlí 2023). „Frumsýning á Vísi: Sjóðandi heitt tónlistarmyndband frá IceGuys - Vísir“. visir.is. Sótt 31. desember 2023.
  45. ↑ 45,0 45,1 45,2 45,3 „Emmsjé Gauti fær flestar tilnefningar“. DV. 16. febrúar 2017. Sótt 12. september 2019.
  46. ↑ 46,0 46,1 46,2 46,3 46,4 46,5 46,6 46,7 46,8 „Verdlaunahafar“. Ístón - Íslensku tónlistarverðlaunin. Sótt 31. desember 2023.
  47. ↑ 47,0 47,1 47,2 „Tilnefningar til íslensku tónlistarverðlaunanna“. Morgunblaðið. Sótt 12. september 2019.
  48. ↑ 48,0 48,1 „Sjáðu sigurvegarana og það besta frá Hlustendaverðlaununum“. Vísir.is. Sótt 12. september 2019.
  49. ↑ 49,0 49,1 49,2 49,3 49,4 Sveinsson, Tinni (18. janúar 2022). „Kosning fyrir Hlust­enda­verð­­­­launin 2022 hafin - Vísir“. visir.is. Sótt 31. desember 2023.
  50. ↑ Þórðarson, Þórður Helgi (2. maí 2017). „Aron Can - Ínótt - RÚV.is“. RÚV. Sótt 31. desember 2023.

Tenglar

[breyta | breyta frumkóða]
Sótt frá „https://is.wikipedia.org/w/index.php?title=Aron_Can&oldid=1842414“