Fara í innihald

IceGuys

Breyta tenglum
Úr Wikipediu, frjálsa alfræðiritinu
Iceguys
Iceguys á tónleikum í Laugardalshöll 13. desember 2024.
Iceguys á tónleikum í Laugardalshöll 13. desember 2024.
Upplýsingar
UppruniÍsland
Ár2023–í dag
StefnurPopp
Útgáfufyrirtæki
Meðlimir

Iceguys er íslensk strákahljómsveit sem var stofnuð árið 2023. Meðlimir hennar eru Aron Can, Herra Hnetusmjör, Rúrik Gíslason og bræðurnir Friðrik Dór og Jón Jónsson.[1][2] Tónlistarmaðurinn Ásgeir Orri Ásgeirsson semur og tekur upp flest lög hljómsveitarinnar.[3] Hljómsveitin stofnaði hlutafélagið Fegurð er glæpur ehf. til að sjá um útgáfu á tónlistinni.[4][5] Árið 2004 hafði samnefnd hljómsveit verið stofnuð.[6][7][8]

Jón Jónsson átti frumkvæðið að stofnun hljómsveitarinnar í upphafi árs 2023 þegar hann bætti hljómsveitarmeðlimunum í spjallhóp á Instagram og bar upp hugmyndina um að stofna strákahljómsveit. Allir meðlimir hljómsveitarinnar voru fljótir að svara játandi, en Rúrik var hikandi í byrjun. Jón fékk leikstjórann og fyrrum landsliðsmarkvörðinn Hannes Þór Halldórsson til að leikstýra fyrsta myndbandi hljómsveitarinnar og sannfæra Rúrik um að taka þátt.[1][2]

Þann 16. júní 2023 kom út fyrsta lagið þeirra „Rúlletta“.[9][10] Annað lagið þeirra „Krumla“ kom út 20. júlí 2023. Til að kynna lagið fylgdi með því tónlistarmyndband.[11] Hljómsveitin kom óvænt fram á Þjóðhátíð í Vestmannaeyjum þann 4. ágúst.[12] Þriðja lagið þeirra „Stingið henni í steininn“ kom út 29. september 2023. Þann 10. nóvember 2023 kom út stuttskífan Þessi Týpísku Jól þar sem samnefnt lag fylgdi.[13]

Í ágúst 2023 hófust upptökur á sjónvarpsþáttunum IceGuys þar sem skyggnst var á bak við tjöldin hjá hljómsveitinni.[14][15] Fjórir þættir voru teknir upp.[16] Þættirnir voru frumsýndir í Sjónvarpi Símans þann 6. október 2023 og slógu áhorfsmet sjónvarpsstöðvarinnar.[17] Þann 16. desember 2023 hélt hljómsveitin þrenna tónleika í Kaplakrika í Hafnarfirði þar sem tæplega tíu þúsund gestir mættu.[18]

Fjórða lagið þeirra, „Gemmér Gemmér“, kom út 19. júlí 2024 og naut mikilla vinsælda.[19] Lagið hlaut verðlaun fyrir besta myndbandið á Hlustendaverðlaununum 2025.[20] Þann 18. október 2024 gáfu þeir út plötuna 1918, en nafnið er tilvísun í frostaveturinn mikla. Sama dag gáfu þeir einnig út bók.[21] Þann 15. nóvember gaf hljómsveitin út lagið „Sexy Ru“ þar sem Rúrik söng einn undir listamannsnafninu Sexy Ru.[22][23] Önnur þáttaröð sjónvarpsþáttanna kom út 24. nóvember. Í desember 2024 slógu þeir met þegar þeir héldu 5 tónleika í Laugardalshöll á tveimur dögum og seldu 24.000 miða, en tónleikasalurinn tekur 5.000 manns.[24][25] Í aðdraganda tónleikanna opnuðu þeir verslun í Kringlunni þar sem þeir seldu varning og árituðu bókina.[26]

Þann 21. mars 2025 gaf hljómsveitin út lagið „Stígðu inn“ og gaf í kjölfarið út ís í samstarfi við Kjörís.[27] Hugmyndin að ísnum var innblásin af Bestís, ís sem áhrifavaldarnir Sunneva Einarsdóttir og Birta Líf Ólafsdóttir gerðu í samstarfi við Kjörís.[28]

Útgefið efni

[breyta | breyta frumkóða]

Stuttskífur

[breyta | breyta frumkóða]
  • Þessi Týpísku Jól (2023)
  • 1918 (2024)

Smáskífur

[breyta | breyta frumkóða]
  • „Rúlletta“ (2023)
  • „Krumla“ (2023)
  • „Stingið Henni í Steininn“ (2023)
  • „Gemmér Gemmér“ (2024)
  • „Sexy Ru“ (2024) (ásamt Sexy Ru)
  • „Þegar Jólin Koma“ (2024)
  • „Stígðu Inn“ (2025)
  • ,,María Mey“ (2025)

Tilvísanir

[breyta | breyta frumkóða]
  1. 1 2 Tryggvadóttir, Rósa Margrét (22 júní 2023). „Búast við að sameiningin þyki ógnvænleg“. K100. Sótt 30. desember 2023.
  2. 1 2 Einarsdóttir, Júlía Margrét (22. desember 2023). „„Hvað er ég búinn að koma mér út í núna?" - RÚV.is“. RÚV. Sótt 30. desember 2023.
  3. ↑ Óskarsdóttir, Svava Marín (19 maí 2025). „Ás­geir og Hildur eiga von á stúlku - Vísir“. visir.is. Sótt 7 júní 2025.
  4. ↑ „IceGu­ys stofna hluta­fé­lagið Fegurð er glæpur ehf“. Viðskiptablaðið. 25 júlí 2023. Sótt 30. desember 2023.
  5. ↑ „Nýtt félag IceGuys með einstakt nafn“. K100. 26 júlí 2023. Sótt 30. desember 2023.
  6. ↑ „Iceguys gefa út sitt fyrsta lag - Vísir“. visir.is. 15 júní 2004. Sótt 30. desember 2023.
  7. ↑ „Upptökur - Upprunalegu Iceguys sættast við nýstofnað Iceguys band í beinni“. K100. 10 júní 2023. Sótt 30. desember 2023.
  8. ↑ „Stofnuðu Iceguys 2004 og leita nú réttar síns“. www.mbl.is. 9. september 2023. Sótt 30. desember 2023.
  9. ↑ Sverrisson, Svava Marín Óskarsdóttir,Ólafur Björn (16 júní 2023). „Rúrik Gísla einn liðs­manna stráka­bandsins IceGu­ys - Vísir“. visir.is. Sótt 30. desember 2023.
  10. ↑ „From Iceland — Grapevine New Music Picks: Sævar Jóhannsson, GDRN, IceGuys & More“. The Reykjavik Grapevine (bandarísk enska). 23 júní 2023. Sótt 30. desember 2023.
  11. ↑ Gestsdóttir, Ragna (20 júlí 2023). „Heitasta strákaband landsins með glóðvolgan sumarsmell“. DV. Sótt 30. desember 2023.
  12. ↑ „IceGuys í banastuði í Herjólfsdal“. www.mbl.is. 5 ágúst 2023. Sótt 30. desember 2023.
  13. ↑ Vefritstjórn (7. desember 2023). „Alls konar jól - RÚV.is“. RÚV. Sótt 30. desember 2023.
  14. ↑ Jónasdóttir, Marta María Winkel (15 ágúst 2023). „IceGuys byrja með sjónvarpsþætti“. www.mbl.is. Sótt 30. desember 2023.
  15. ↑ Logason, Boði (24 ágúst 2023). „Hannes Þór ætlar sér stóra hluti með Atlavík - Vísir“. visir.is. Sótt 30. desember 2023.
  16. ↑ Óskarsdóttir, Svava Marín (30 október 2023). „Stjörnulífið: „Grikk eða tott? - Vísir“. visir.is. Sótt 30. desember 2023.
  17. ↑ „IceGuys slegið áhorfsmet tvær vikur í röð“. Viðskiptablaðið. 18 október 2023. Sótt 30. desember 2023.
  18. ↑ Sturludóttir, Helena Rós (18. desember 2023). „Tvö féllu í yfir­lið og allur varningur seldist upp - Vísir“. visir.is. Sótt 30. desember 2023.
  19. ↑ Björnsdóttir, Anna María (22 janúar 2025). „Mest spiluðu lögin í útvarpi árið 2024 - RÚV.is“. RÚV. Sótt 7 júní 2025.
  20. ↑ Sigurbjörnsdóttir, Silja Rún; Logason, Boði (20. mars 2025). „Herra Hnetu­smjör ó­tví­ræður sigur­vegari Hlustendaverðlaunanna - Vísir“. visir.is. Sótt 7 júní 2025.
  21. ↑ „IceGuys gefa út bók og nýja plötu“. K100. 18 október 2024. Sótt 7 júní 2025.
  22. ↑ „Rúrik í aðalhlutverki í nýju lagi IceGuys“. www.mbl.is. Sótt 7 júní 2025.
  23. ↑ Gestsdóttir, Ragna (15 nóvember 2024). „Gefur nýtt lag Rúriks vísbendingar um næstu skref ICEGUYS?“. DV. Sótt 7 júní 2025.
  24. ↑ „IceGuys slá met með fimm tónleikum í Laugardalshöll - RÚV.is“. RÚV. 14. desember 2024. Sótt 14. desember 2024.
  25. ↑ „Tónleikar – Laugardalshöllin“. Sótt 7 júní 2025.
  26. ↑ Iceguys (20. desember 2024). „Iceguys með opna búð og á­rita bókina - Vísir“. visir.is. Sótt 7 júní 2025.
  27. ↑ „Það liggur eitthvað í loftinu með Iceguys“. www.mbl.is. 3 apríl 2024. Sótt 7 júní 2025.
  28. ↑ Jónsdóttir, Elín Hrönn (3 apríl 2025). „Kjörís gefur út ís í samstarfi við IceGuys“. DFS.is. Sótt 7 júní 2025.
  Þessi tónlistargrein er stubbur. Þú getur hjálpað til með því að bæta við greinina.
Sótt frá „https://is.wikipedia.org/w/index.php?title=IceGuys&oldid=1943067“