Paul Gascoigne

Gascoigne (2006)

Paul John Gascoigne (fæddur 27. maí 1967) í Gateshead er enskur fyrrum leikmaður sem lék sem miðjumaður. Hann var mest áberandi sem leikmaður á ferlinum þegar hann spilaði með Newcastle United , Tottenham Hotspur F.C., Glasgow Rangers og Lazio árin 1985-1998, hann vann FA-bikarinn með Tottenham árið 1991. Gascoigne ólst upp í Gateshead sem er nálægt Newcastle upon Tyne og hélt með Newcastle sem ungur drengur. Hann lék 57 leiki fyrir enska landsliðið og skoraði í þeim 10 mörk.

Utanvallar

Gascoigne hefur oftar en ekki ratað í fréttir fyrir vandræði utan vallar. Fyrsta eiginkona hans hét Sheryl, sem giftist honum við hátíðlega athöfn í Ware, Hertfordshire, í júlí árið 1996. Þau höfðu þá verið saman í 6 ár þegar hann játaði síðar að hafa beitt hana ofbeldi. Sheryl gaf út bók sem hét Stronger: My Life Surviving Gazza. Saman áttu þau soninn Regan, svo ættleiddi Gascoigne börn sem hún átti út fyrra hjónabandi, þau Mason og Biöncu. Bianca þessi átti síðar á ævinni eftir að gera garðinn frægan í raunveruleikaþættinum Love Island. Í nóvember árið 2008 varð hann gjaldþrota. Gascoigne á við áfengisvandamál að stríða og hefur einnig verið greindur með geðræn vandamál.

Félög

• Newcastle United (1985-1988)
• Tottenham Hotspur (1988-1992)
• Lazio (1992–1995)
• Glasgow Rangers (1995-1998)
• Middlesbrough (1998-2000)
• Everton (2000–2002)
• Burnley (2002)
• Gansu Tianma (2003)
• Boston United (2004)

Mörk með landsliði

Mörk og úrslit með Englandi koma fyrst

#	Dagsetning	Völlur	Andstæðingur	Úrslit	Keppi	Mörk
1	26. apríl 1989	Wembley-leikvangurinn, London, Englandi	Albanía	5–0	HM 1990	1
2	25. apríl 1990	Wembley-leikvangurinn, London, Englandi	Tékkóslóvakía	4–2	Vináttuleikur	1
3, 4	18. nóvember 1992	Wembley-leikvangurinn, London, Englandi	Tyrkland	4–0	Undakeppni HM 1994	2
5	31. mars 1993	İzmir Atatürk-leikvangurinn, İzmir, Tyrklandi	Tyrkland	2–0	Undankeppni HM 1994	1
6	8. september 1993	Wembley-leikvangurinn, London, Englandi	Pólland	3–0	Undankeppni HM 1994	1
7	23. maí 1996	Workers Stadium, Beijing, Kína	Kína	3–0	Vináttuleikur	1
8	15. júni 1996	Wembley-leikvangurinn, London, Englandi	Skotland	2–0	EM 1996	1
9	1. september 1996	Stadionul Republican, Chișinău, Moldavíu	Moldóva	3–0	Undankeppni HM 1998	1
10	10. september 1997	Wembley-leikvangurinn, London, Englandi	Moldóva	4–0	Undankeppni HM 1998	1

Einstaklingsverðlaun

• Ballon d'Or: Fjórði 1990
• Valinn í Hall of fame enskrar knattspyrnu 2002
• Valinn í Hall of fame Glasgow Rangers 2006