Páll 1. Rússakeisari

Rússakeisari Holstein-Gottorp-Rómanov-ætt
Páll 1.
Ríkisár	17. nóvember 1796 – 23. mars 1801
Skírnarnafn	Pavel Petrovítsj Rómanov
Fæddur	1. október 1754
	Sankti Pétursborg, Rússlandi
Dáinn	23. mars 1801 (46 ára)
	Sankti Pétursborg, Rússlandi
Gröf	Dómkirkja Péturs og Páls
Undirskrift
Konungsfjölskyldan
Faðir	Pétur 3. Rússakeisari
Móðir	Katrín mikla
Keisaraynja	Vilhelmína Lovísa af Hesse-Darmstadt (g. 1773; d. 1776) Soffía Dórótea af Württemberg (g. 1776)
Börn	10, þ. á m. Alexander 1. og Nikulás 1.

Páll 1. (Па́вел I Петро́вич á kyrillísku letri; Pavel Petrovítsj á rússnesku) (1. október 1754 – 23. mars 1801) var keisari Rússlands frá 1796 til 1801. Hann var opinberlega eini sonur Péturs 3. og Katrínar miklu en Katrín gaf í skyn að hann væri raun sonur ástmanns hennar, Sergej Saltykov (sem var einnig kominn af Rómanov-ættinni, nánar tiltekið af systur fyrsta Rómanov-keisarans, Tatjönu Fjodorovnu Rómanovu).

Páll lifði í skugga móður sinnar mestalla ævi sína. Keisaratíð hans entist aðeins í fimm ár og endaði með því að hann var myrtur af samsærismönnum. Á valdatíð sinni setti hann ný lög um erfðaröðina af rússnesku krúnunni sem voru við lýði þar til rússneska keisaradæmið leið undir lok árið 1917.

Frá 1799 til 1801 var hann formlega stórmeistari Jóhannesarriddaranna og skipaði byggingu ýmissa maltneskra hásæta.

Tilvísanir

Fyrirrennari: Katrín 2.

Rússakeisari (1796 – 1801)

Eftirmaður: Alexander 1.