Nelson Goodman

Vestræn heimspeki; Heimspeki 20. aldar
Nafn:	Nelson Goodman
Fæddur:	7. ágúst 1906
Látinn:	25. nóvember 1998 (92 ára)
Skóli/hefð:	Rökgreiningarheimspeki
Helstu ritverk:	The Structure of Appearance; Fact, Fiction, and Forecast; Ways of Worldmaking; Of Mind and Other Matters
Helstu viðfangsefni:	Málspeki, frumspeki, þekkingarfræði, hugspeki, fagurfræði
Markverðar hugmyndir:	Nýja gátan um tilleiðslu
Áhrifavaldar:	David Hume, W.V.O. Quine, Carl Hempel, Rudolf Carnap
Hafði áhrif á:	W.V.O. Quine

Nelson Goodman (7. ágúst 1906 – 25. nóvember 1998) var bandarískur heimspekingur, einkum þekktur fyrir að fást við merkingu setninga sem fjalla um óraunveruleika, venslafræði og tilleiðsluvandann.

Hann fæddist í Somerville í Maryland í Bandaríkjunum. Hann brautskráðist frá Harvard University árið 1928. Að því loknu rak hann listasafn í Boston í Massachusetts í 11 ár. Goodman hlaut Ph.D.-gráðu í heimspeki árið 1941. Hann gekk í bandaríska herinn og gegndi herþjónustu til loka síðari heimsstyrjaldarinnar.

Að stríðinu loknu varði hann 18 árum við University of Pennsylvania í Phildalephiu. Hann var rannsóknarfélagi við Vitsmunavísindastofnunina á Harvard (Center for Cognitive Studies) frá 1962 til 1963 og gegndi stöðu prófessors við ýmsa háskóla frá 1964 til 1967, og var skipaður prófessor í heimspeki við Harvard árið 1968.

Goodman setti fram „nýja gátuna um tilleiðslu“, sem svo var nefnd með tilvísun til hins sígilda tilleiðsluvanda Davids Hume. Hann fjallaði fyrst um gátuna í bókinni Fact, Fiction, and Forecast. Venjulega er hún útskýrð með hugtökunum grauður eða brænn.

Helstu ritverk

A Study of Qualities (1941/1990)
The Structure of Appearance (1951/1966/1977) ISBN 90-277-0774-X
Fact, Fiction, and Forecast (1954/1965/1973/1983) ISBN 0-674-29071-2
Languages of Art: An Approach to a Theory of Symbols (1968/1976/1988) ISBN 0-915144-34-4
Problems and Projects (1972/1978) ISBN 0-85527-853-6
Basic Abilities Required for Understanding and Creation in the Arts: Final Report (ásamt David Perkins og Howard Gardner) (1972)
Ways of Worldmaking (1978/1988) ISBN 0-915144-51-4
Of Mind and Other Matters (1984/1987) ISBN 0-674-63126-9
Reconceptions in Philosophy and other Arts and Sciences (ásamt Catherine Z. Elgin) (1988/2001) ISBN 0-87220-053-1