Körfuknattleikssamband Íslands

Körfuknattleikssamband Íslands
Fullt nafn	Körfuknattleikssamband Íslands
Skammstöfun	KKÍ
Stofnað	29. janúar 1961
Stjórnarformaður	Hannes Sigurbjörn Jónsson
Iðkendafjöldi 2012	6.644

Körfuknattleikssamband Íslands (skammstafað KKÍ) var stofnað 29. janúar 1961. Í fyrstu stjórn KKÍ voru Bogi Þorsteinsson, sem var kjörinn formaður, Benedikt Jakobsson, Matthías Matthíasson, Magnús Björnsson, Kristinn V. Jóhannsson, Ásgeir Guðmundsson og Helgi V. Jónsson. Bogi var formaður KKÍ í tæp níu ár samfleytt; frá stofnfundinum fram að aðalfundi 1. nóvember 1969, þegar hann gaf ekki kost á sér til endurkjörs.

Stofnaðilar voru Körfuknattleiksráð Reykjavíkur, Íþróttabandalag Suðurnesja, Íþróttabandalag Hafnarfjarðar, Íþróttabandalag Keflavíkur, Íþróttabandalag Akureyrar og Íþróttabandalag Vestmannaeyja. Forseti stofnþingsins var Benedikt G. Waage, þáverandi forseti Íþróttasambands Íslands.

Fyrsti stjórnarfundur hins nýja sambands var haldinn 1. febrúar 1961 og var verkaskipting eftirfarandi: Bogi Þorsteinsson var formaður, Benedikt Jakobsson varaformaður, Matthías Matthíasson gjaldkeri, Kristinn V. Jóhannsson fundarritari og Magnús Björnsson bréfritari.

Það kostaði mikla baráttu að fá að stofna KKÍ, því sum sérsamböndin sem fyrir voru, til dæmis Handknattleikssambandið, beittu sér sérstaklega gegn því. Í viðtalið við Björn Leósson, árið 1993 segir Bogi Þorsteinsson að þar hafi menn strax verið hræddir við samkeppnina.

Fjórtán einstaklingar hafa gegn stöðu formanns KKÍ, og er Hannes Sigurbjörn Jónsson núverandi formaður sambandsins.

Aðalstyrktaraðili KKÍ er Domino´s og nefnast efstu deildir karla og kvenna eftir fyrirtækinu, Domino´s deild karla og Domino´s deild kvenna

Formenn KKÍ frá upphafi

Nafn	Ár
Bogi Þorsteinsson	1961-1969
Hólmsteinn Sigurðsson	1969-1973
Einar Bollason	1973-1976
Páll Júlíusson	1976-1977
Sigurður Ingólfsson	1978-1979
Stefán Ingólfsson	1979-1980
Kristbjörn Albertsson	1980
Stefán Ingólfsson	1980-1981
Kristbjörn Albertsson	1981-1982
Helgi Ágústsson	1982-1983
Þórdís Anna Kristjánsdóttir	1983-1984
Eiríkur Ingólfsson	1984-1985
Björn Björgvinsson	1985-1988
Kolbeinn Pálsson	1988-1996
Ólafur Rafnsson	1996-2006
Hannes Sigurbjörn Jónsson	2006-

Tengt efni

• Körfuknattleikur
• Flokkur:Íslenskir körfuknattleiksmenn
• Flokkur:Íslenskir körfuknattleiksdómarar
• Flokkur:Íslensk körfuknattleiksfélög

Heimildir

• „Starfsskýrslur ÍSÍ - Iðkendur 2010“ (PDF). Sótt 18. október 2011.
• „Um KKÍ“. Sótt 18. október 2011.
• „Stjórn KKÍ“. Sótt 18. október 2011.
• Leikni framar líkamsburðum eftir Skapta Hallgrímsson, útg. Körfuknattleikssamband Íslands 2001

  Þessi körfuknattleiksgrein er stubbur. Þú getur hjálpað til með því að bæta við greinina.