Donald Tusk
| Donald Tusk | |
|---|---|
 | |
| Forseti evrópska ráðsins | |
| Í embætti 1. desember 2014 – 30. nóvember 2019 | |
| Forsætisráðherra Póllands | |
| Í embætti 16. nóvember 2007 – 22. september 2014 | |
| Persónulegar upplýsingar | |
| Fæddur | 22. apríl 1957 Gdańsk, Póllandi |
| Þjóðerni | Pólskur |
| Stjórnmálaflokkur | Borgaraflokkurinn (2001–) |
| Maki | Małgorzata Sochacka (g. 1978) |
| Börn | 2 |
| Háskóli | Háskólinn í Gdańsk |
| Undirskrift |  |
Donald Franciszek Tusk (fæddur 22. apríl 1957 í Gdańsk) er pólskur stjórnmálamaður sem var formaður Borgaraflokksins (Platforma Obywatelska) og forsætisráðherra Póllands frá 16. nóvember 2007 til 22. september 2014. Tusk var forseti evrópska ráðsins frá árinu 2014 til ársins 2019.
Tusk hefur verið virkur í pólskum stjórnmálum frá byrjun tíunda áratugarins. Hann hefur stofnað nokkra stjórnmálaflokka og hefur gegnt kjörnum embættum nánast samfellt frá árinu 1991. Tusk var einn af stofnendum Frjálslynda lýðræðisráðsins (Kongres Liberalno-Demokratyczny, KLD), miðhægriflokks sem beitti sér fyrir markaðsfrelsi. Hann var kjörinn á neðri deild pólska þingsins árið 1991 en tapaði þingsæti sínu eftir að lýðræðisráðið hlaut afhroð í kosningum árið 1993. Árið 1994 sameinaðist lýðræðisráðið pólska Lýðræðisbandalaginu og myndaði með því Frelsisbandalagið. Árið 1997 var Tusk kjörinn á efri deild þingsins og varð varaforseti þess. Árið 2001 tók hann þátt í stofnun nýs miðhægriflokks, Borgaraflokksins, var aftur kjörinn á neðri þingdeildina og varð varaforseti hennar.[1] Tusk var kjörinn forsætisráðherra árið 2007 og var endurkjörinn eftir þingkosningar árið 2011. Hann var fyrsti forsætisráðherra Póllands sem hlaut endurkjör frá falli kommúnismans.[2]
Árið 2014 var Tusk kjörinn forseti evrópska ráðsins. Hann var endurkjörinn árið 2017. Tusk sagði af sér sem forsætisráðherra Póllands til að taka við evrópska forsetaembættinu og hafði þá setið lengur en nokkur annar forsætisráðherra þriðja pólska lýðveldisins.
Tilvísanir[breyta | breyta frumkóða]
- ↑ „Donald Tusk“. Sótt september 2014.
- ↑ „PSL want to continue coalition in next year's general election“. Polskie Radio. 18. nóvember 2010. Sótt september 2018.
| Fyrirrennari: Jarosław Kaczyński |
|
Eftirmaður: Ewa Kopacz | |||
| Fyrirrennari: Herman Van Rompuy |
|
Eftirmaður: Charles Michel | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.