Allra síðasta veiðiferðin

Allra síðasta veiðiferðin
Leikstjóri	Örn Marinó Arnarson Þorkell S. Harðarson
Höfundur	Örn Marinó Arnarson Þorkell S. Harðarson
Framleiðandi	Örn Marinó Arnarson Þorkell S. Harðarson
Leikarar	Þorsteinn Bachmann Sigurður Sigurjónsson Jóhann Sigurðarson Hilmir Snær Guðnason Þröstur Leó Gunnarsson Halldór Gylfason Sigurður Þór Óskarsson Halldóra Geirharðsdóttir Gunnar Helgason Vivian D. Ólafsdóttir Ylfa Marín Haraldsdóttir
Kvikmyndagerð	Bergsteinn Björgúlfsson
Klipping	Sigvaldi J. Kárason
Tónlist	Hallur Ingólfsson
Fyrirtæki	Nýjar hendur Myndform
Dreifiaðili	Myndform
Frumsýning	18. mars 2022
Lengd	90 mínútur
Land	Ísland
Tungumál	Íslenska
Heildartekjur	45.126.861 kr.

Allra síðasta veiðiferðin er íslensk gamanmynd frá 2022, framleidd af Markell Procuditions, Stöð 2 og Myndform. Myndin er framhald af Síðustu veiðiferðinni (2020) og önnur myndin í Veiðiferðarseríunni. Myndinni var leikstýrt af Erni Marinó Arnarssyni og Þorkeli S. Harðarssyni, en þeir voru einnig handritshöfundar og framleiðendur myndarinnar. Í aðalhlutverkum voru Þorsteinn Bachmann, Þröstur Leó Gunnarsson, Hilmir Snær Guðnason, Halldór Gylfason, Sigurður Sigurjónsson, Jóhann Sigurðarson, Sigurður Þór Óskarsson, Halldóra Geirharðsdóttir, Ylfa Marín Haraldsdóttir, Gunnar Helgason og Edda Björg Eyjólfsdóttir.

Allra síðasta veiðiferðin var tekjuhæsta íslenska mynd ársins 2022 og voru tekjur myndarinnar rúmlega 45 milljónir og um 24 þúsund miðar seldust.

Söguþráður

Eftir ævintýralegan laxveiðitúr fyrra sumars er ákveðið að halda aftur til veiða, þrátt fyrir misgóðar minningar úr þeim túr. Til að koma sér áfram í pólitík býður Valur Aðalsteins félögunum í flotta laxveiði með því skilyrði að þeir hagi sér vel og ekkert megi klikka. Vegurinn til Helvítis er eins og áður varðaður góðum ásetningi og er þessi túr því ekki undanskilin.

Framleiðsla

Í febrúar árið 2021 var byrjað að þróa myndina en tökur fóru fram í júní árið 2021 og var myndin frumsýnd 18. mars 2022.

Framhöld

Þriðja, fjórða og fimmta kvikmyndin í seríunni hafa verið tilkynntar og stefnt er á að taka upp þriðju myndina, Langsíðasta veiðiferðin árið 2024. Fjórða og fimmta myndin munu heita Næst síðasta veiðferðin og Fyrsta veiðiferðin.