Veiðiferðarmyndirnar

Veiðiferðamyndirnar eða Síðustu veiðiferðirnar er íslensk gamanmyndasería. Framleiddar hafa verið tvær kvikmyndir Síðasta veiðiferðin (2020), Allra síðasta veiðiferðin (2022) og ein aukamynd Saumaklúbburinn (2021). Þrjár aðrar kvikmyndir eru í smíðum. Myndirnar fjalla um vinahóp sem halda í veiðitúr sem fer skyndilega í vitleysu. Örn Marinó Arnarson og Þorkell S. Harðarson leikstýrðu, framleiddu og skrifuðu aðalmyndirnar í seríunni. Myndirnar eru framleiddar af Markell Procuditions, Stöð 2 og Myndform.

Kvikmyndirnar

Kvikmynd	Frumsýning	Leikstjórar	Handritshöfundar	Framleiðendur	Tekjur	Aðsókn
Síðasta veiðiferðin	6. mars 2020	Örn Marinó Arnarson og Þorkell S. Harðarson			61.777.808 kr.	35.306
Allra síðasta veiðiferðin	18. mars 2022				45.126.861 kr.	24.258
Lang síðasta veiðiferðin	2027				Ekki komið í ljós
Aukamynd
Saumaklúbburinn	2. júní 2021	Gagga Jónsdóttir	Gagga Jónsdóttir og Snjólaug Lúðvíksdóttir	Örn Marinó Arnarson og Þorkell S. Harðarson	32.586.899 milljónir	19.036 þúsund

Síðasta veiðiferðin (2020)

Aðalgrein: Síðasta veiðiferðin

Hugmynd að myndinni spratt upp í kringum árið 2000 og eru flestar sögurnar í myndinni eru byggðar á sönnum atburðum, úr veiðitúrum sem að Örn Marinó og Þorkell fóru í. Þeir byrjuðu þó ekki að framleiða myndina fyrr en í byrjun árs 2019. Tökur fóru fram í júlí 2019, og kom Bubbi Morthens fram í einu atriði. Sýnishorn kom út í lok janúars 2020 og kom myndin út þann 6. mars.

Saumaklúbburinn (2021)

Aðalgrein: Samaklúbburinn

Í júní 2020 var tilkynnt, eftir að Síðasta veiðiferðin hlaut góðar viðtökur fyrr um árið að kvennaútgáfa myndarinnar, Síðasti saumaklúbburinn færi í tökur í júlí. Gagga Jónsdóttir leikstýrði og skrifaði handritið með uppistandaranum Snjólaugu Lúðvíksdóttur á einum mánuði. Örn Marinó og Þorkell framleiddu myndina. Myndin var alveg sjálfstæð frá Síðustu veiðiferðinni, nema í anda. Seinna var myndin endurskýrð Saumaklúbburinn og var frumsýnd 4. júní 2021.

Allra síðasta veiðiferðin (2022)

Aðalgrein: Allra síðasta veiðiferðin

Í febrúar 2021 var tilkynnt að tökur á framhaldsmynd Síðustu veiðiferðarinnar færu fram í júní, og að Sigurður Sigurjónsson myndi bætast í leikarahópinn. Tökur hófust við Laxá í Aðaldal í júní 2021. Kvikmyndin var frumsýnd 18. mars 2022.

Lang síðasta veiðiferðin

Í janúar 2022 var það tilkynnt að þriðja kvikmyndin í seríunni, Lang síðasta veiðiferðin færi í tökur um sumarið. Í júlí 2022 tilkynntu Örn og Þorkell að tökur væru frestaðar til sumarsins 2023, en þeir fóru sjálfir í veiðiferð til þess að sækja innblástur fyrir næstu myndir, þar sem að drög að fjórðu myndinni, Næst síðasta veiðiferðin, og fimmtu myndinni Fyrsta veiðiferðin. Í viðtali við Þorkel í mars 2023 sagði hann að þriðja myndin í seríunni hafi verið frestuð aftur, nú til sumarsins 2024. Í janúar 2025 þegar að þeir voru að kynna kvikmyndina sína Guðaveigar, sögðu þeir í viðtali að þriðja myndin yrði líklegast tekin upp sumarið 2026 og kæmi því út árið 2027. Þeir lýstu að sviplegt dauðsfall myndi gerast í myndinni.

Endurgerðir

Í september 2020 var greint frá því að myndin yrði endurgerð í Rúmeníu, og að Örn Marinó og Þorkell skrifuðu undir samning við Midnight Sun Film. Tilkynnt var að Valeriu Andriuta myndi leikstýra og að leikararnir Serban Pavlu, Adrian Titieni og Adrian Paduraru myndu leika. Kvikmyndin kom loks út árið 2025 og hét Marea pescuiala, þrátt fyrir að söguþræðinum hafi verið mikið breytt.

Finnsk endurgerð var einnig í vinnslu á svipuðum tíma.