Hjónaband samkynhneigðra

Úr Wikipediu, frjálsa alfræðiritinu
Stökkva á: flakk, leita
     Hjónaband samkynhneigðra heimilt (hringur: einstök tilfelli)      Hjónaband samkynhneigðra viðurkennt ef skráð er erlendis (hringur: einstök tilfelli)      Ríkisstjórn/dómstóll ætlar að heimila hjónaband samkynhneigðra (hringur: einstök tilfelli)      Alríkisviðurkenning á hjónaböndum samkynhneigðra á fyklisvísu      Staðfest samvist      Óstaðfest samvist      Sambönd samkynhneigðra ekki viðurkennd

Hjónaband samkynhneigðra er hjónaband milli tveggja samkynhneigðra, það er að segja tveggja einstaklinga af sama kyni eða kynvitund. Í flestum löndum eru hjónabönd samkynhneigðra ólögleg en víðar er verið að breyta lögum eða ræða um að breyta þeim til að heimila slík hjónabönd.

Fyrstu lögin til að heimila hjónabönd samkynhneigðra tóku gildi á fyrstu árum 21. aldar en frá og með 28. júní 2014 mega samkynhneigðir giftast í sextán löndum (Argentínu, Belgíu, Brasilíu, Bretlandi [nema Norður-Írlandi],[1] Kanada, Danmörku, Frakklandi, Hollandi, Íslandi,[2] Nýja-Sjálandi,[3] Noregi, Portúgal, Spáni, Suður-Afríku, Svíþjóð og Úrúgvæ) og sumum fylkjum Bandaríkjanna og Mexíkós. Hjónabönd samkynhneigðra verða heimil í Lúxemborg frá 1. janúar 2015. Kannanir sem hafa verið gerðar í ýmsum löndum leiða það í ljós að stuðningur almeninngs fyrir hjónabönd samkynhneigðra sé að aukast.

Innleiðing hjónabanda samkynhneigðra er mismunandi efitr löndum og heimssvæðum en það hefur verið heimilt með því að breyta löggjöf um hjónabönd, með dómsúrskurði sem er byggður á stjórnskipulegum jafnréttisrétti eða með kosningum (annaðhvort þjóðaratkvæðagreiðslu eða frumkvæðisrétti). Viðurkenning á hjónaböndum samkynhneigðra er talin mannréttinda- og borgararéttindamál og hefur stjórnfræðilegar, samfélagslegar og í sumum tilfellum trúarlegar afleiðingar. Mikið er deilt um á hvort samkynhneigðir skuli hafa rétt til að ganga í hjónaband, fá viðurkenningu á sambandi sínu með staðfestri samvist eða þeim verði neitt slík réttindi.

Tilvisun[breyta]

Heimildir[breyta]

  1. Hjóna­bönd sam­kyn­hneigðra lög­leidd“, mbl.is, skoðað þann 11. ágúst 2014.
  2. Biður samkynhneigt fólk um fyrirgefningu“, Vísir, skoðað þann 11. ágúst 2014.
  3. Leyfa hjónavígslur samkynhneigðra“, RÚV, skoðað þann 11. ágúst 2014.
  Þessi samfélagsgrein er stubbur. Þú getur hjálpað til með því að bæta við greinina.