Shigeru Ishiba
| Shigeru Ishiba | |
|---|---|
| 石破 茂 | |
.jpg) Shigeru Ishiba árið 2024. | |
| Forsætisráðherra Japans | |
| Í embætti 1. október 2024 – 21. október 2025 | |
| Þjóðhöfðingi | Naruhito |
| Forveri | Fumio Kishida |
| Eftirmaður | Sanae Takaichi |
| Persónulegar upplýsingar | |
| Fæddur | 4. febrúar 1957 Chiyoda, Tókýó, Japan |
| Stjórnmálaflokkur | Frjálslyndi lýðræðisflokkurinn |
| Maki | Yoshiko Ishiba (g. 1983) |
| Börn | 2 |
| Háskóli | Keio-háskóli |
| Undirskrift |  |
Shigeru Ishiba (f. 4. febrúar 1957) er japanskur stjórnmálamaður sem er fyrrverandi forsætisráðherra Japans og forseti Frjálslynda lýðræðisflokksins. Hann var kjörinn leiðtogi flokksins þann 30. september árið 2024.[1]
Ishiba hefur setið á japanska þinginu frá árinu 1986 og hefur gegnt fjölda ráðherraembætta, meðal annars embætti varnarmálaráðherra. Hann hafði boðið sig fjórum sinnum fram til embættis forseta Frjálslynda lýðræðisflokksins áður en hann varð loks fyrir valinu árið 2024. Ishiba bauð sig fram í fimmta sinn eftir að Fumio Kishida forsætisráðherra sagði af sér í ágúst það ár og hafði betur gegn hinni íhaldssömu Sanae Takaichi í seinni umferð leiðtogakjörsins.[2]
Miðað við Takaichi þykir Ishiba frjálslyndur í skoðunum. Hann hefur meðal annars talað fyrir því að konur ættu að geta orðið Japanskeisarar.[2] Ishiba tilkynnti að hann myndi rjúfa þing og boða til kosninga um leið og hann tæki við embætti forsætisráðherra.[3] Í kosningunum, sem fóru fram innan við mánuði frá því að Ishiba tók við embætti, hlaut Frjálslyndi lýðræðisflokkurinn sína verstu útreið frá árinu 2009 og missti meirihluta sinn á þingi.[4]
Frjálslyndi lýðræðisflokkurinn og samstarfsflokkur hans, Komeito, töpuðu meirihluta sínum á efri deild japanska þingsins í þingkosningum í júlí 2025. Ishiba baðst afsökunar á niðurstöðunni en sagðist þó í fyrstu ætla að halda áfram sem forsætisráðherra.[5] Skömmu síðar, eftir að Japan hafði samið um verslunarsamning við Bandaríkin, tilkynnti Ishiba hins vegar að hann myndi segja af sér.[6] Hann sagði af sér þann 7. september 2025, innan við ári eftir að hann varð forsætisráðherra.[7]
Tilvísanir
[breyta | breyta frumkóða]- ↑ Hugrún Hannesdóttir Diego (27. september 2024). „Shigeru Ishiba verður næsti forsætisráðherra Japan“. RÚV. Sótt 1. október 2024.
- 1 2 Atli Ísleifsson (30. september 2024). „Ishiba verður næsti forsætisráðherra Japans“. Vísir. Sótt 1. október 2024.
- ↑ Atli Ísleifsson (30. september 2024). „Mun boða til kosninga um leið og hann tekur við“. Vísir. Sótt 1. október 2024.
- ↑ Ragnar Jón Hrólfsson (28. október 2024). „Mikil óvissa eftir þingkosningar í Japan“. RÚV. Sótt 28. október 2024.
- ↑ Ingibjörg Sara Guðmundsdóttir (21. júlí 2025). „Ætlar ekki að segja af sér þrátt fyrir ósigur í kosningunum“. RÚV. Sótt 22. júlí 2025.
- ↑ Grétar Þór Sigurðsson (23. júlí 2025). „Forsætisráðherra Japans ætlar að segja af sér“. RÚV. Sótt 23. júlí 2025.
- ↑ Markús Þ. Þórhallsson (7. september 2025). „Ishiba forsætisráðherra tilkynnir afsögn eftir innan við árs setu“. RÚV. Sótt 7. september 2025.
| Fyrirrennari: Fumio Kishida |
|
Eftirmaður: Sanae Takaichi | |||
| Japanska keisaradæmið, 1868–1947 |
| ||||||
|---|---|---|---|---|---|---|---|
| Japanska ríkið, 1947– |
| ||||||
Forsætisráðherrar bráðabirgðastjórna eru skáletraðir | |||||||
Þetta æviágrip sem tengist stjórnmálum og Japan er stubbur. Þú getur hjálpað til með því að bæta við greinina.