Forsætisráðherra Japans
| Forsætisráðherra Japans
日本国内閣総理大臣 | |
|---|---|
 Merki forsætisráðherra Japans | |
 Embættisfáni forsætisráðherra Japans | |
| Framkvæmdaarmur ríkisstjórnar Japans Skrifstofa forsætisráðherra | |
| Gerð |
|
| Meðlimur | Ríkisstjórnar Japans Þjóðaröryggisráðs Japans Japanska þingsins |
| Opinbert aðsetur | Naikaku Sōri Daijin Kantei |
| Sæti | Tókýó |
| Tilnefndur af | Japanska þinginu |
| Skipaður af | Keisara Japans |
| Kjörtímabil | Ekkert fast kjörtímabil, engar takmarkanir á embættissetu |
| Lagaheimild | Stjórnarskrá Japans |
| Forveri | Daijō-daijin |
| Stofnun | 22. desember 1885 |
| Fyrsti embættishafi | Itō Hirobumi |
| Staðgengill | Aðstoðarforsætisráðherra |
| Laun | 40.490.000 ¥ á ári[1] |
| Vefsíða | japan |
.jpg)
Forsætisráðherra Japans (japanska: 日本国内閣総理大臣[2] er ríkisstjórnarleiðtogi Japans. Forsætisráðherrann veitir ríkisstjórn Japans forystu og hefur vald til að velja og leysa ráðherra úr embætti. Forsætisráðherrann er jafnframt leiðtogi japanska hersins.[3]
Japanska þingið tilnefnir forsætisráðherrann (yfirleitt úr hópi þingmanna neðri deildar þingsins). Hann er síðan formlega skipaður af keisaranum. Forsætisráðherrann verður að njóta trausts meirihluta neðri deildar þingsins til að halda embætti. Forsætisráðherrann býr og starfar í Naikaku Sōri Daijin Kantei (opinberu aðsetri forsætisráðherra) í Nagatachō, Chiyoda, Tókýó, nálægt japanska þinghúsinu.
Sextíu og fimm menn hafa gegnt embætti forsætisráðherra. Sá fyrsti var Itō Hirobumi, sem tók við embætti 22. desember 1885. Þaulsætnasti forsætisráðherrann var Shinzō Abe, sem sat í embætti í rúm átta ár, og sá sem sat skemmst var Naruhiko Higashikuni fursti, sem sat í 54 daga. Núverandi forsætisráðherra er Sanae Takaichi, sem tók við af Shigeru Ishiba þann 21. október 2025 eftir leiðtogakjör innan Frjálslynda lýðræðisflokksins. Hún er fyrsti kvenforsætisráðherrann í sögu Japans.
Tilvísanir
[breyta | breyta frumkóða]- ↑ 首相は4049万円、閣僚の給料は安い？高い？ 菅内閣誕生ドキュメント (japanska), The Nikkei, 16. september 2020, sótt 20 maí 2022
- ↑ Matsumura, Akira, ritstjóri (5. september 2019). 大辞林 (japanska) (4. útgáfa). Sanseidō.
- ↑ „Book review: A nuanced deep dive on Japan's Self-Defense Forces“.
| Japanska keisaradæmið, 1868–1947 |
| ||||||
|---|---|---|---|---|---|---|---|
| Japanska ríkið, 1947– |
| ||||||
Forsætisráðherrar bráðabirgðastjórna eru skáletraðir | |||||||
Þessi stjórnmálagrein sem tengist Japan er stubbur. Þú getur hjálpað til með því að bæta við greinina.