Fara í innihald

Fumio Kishida

Úr Wikipediu, frjálsa alfræðiritinu
Fumio Kishida
岸田 文雄
Fumio Kishida árið 2021.
Forsætisráðherra Japans
Í embætti
4. október 2021 – 1. október 2024
ÞjóðhöfðingiNaruhito
ForveriYoshihide Suga
EftirmaðurShigeru Ishiba
Persónulegar upplýsingar
Fæddur29. júlí 1957 (1957-07-29) (67 ára)
Shibuya, Tókýó, Japan
StjórnmálaflokkurFrjálslyndi lýðræðisflokkurinn
MakiYuko Kishida (g. 1988)
Börn3
HáskóliWaseda-háskóli
Undirskrift

Fumio Kishida (f. 29. júlí 1957) er japanskur stjórnmálamaður, fyrrverandi forsætisráðherra Japans og fyrrverandi forseti Frjálslynda lýðræðisflokksins. Hann tók við embætti þann 4. október 2021 eftir afsögn Yoshihide Suga.[1]

Kishida hefur setið á japanska þinginu frá árinu 1993 fyrir Hírosíma og gegndi embætti utanríkisráðherra frá 2012 til 2017 í ríkisstjórn Shinzō Abe.[2]

Kishida gaf kost á sér í forsetakjöri Frjálslynda lýðræðisflokksins í september 2021 eftir að flokksleiðtoginn og forsætisráðherrann Yoshihide Suga lýsti yfir að hann hygðist ekki sitja lengur. Hann vann sigur þann 29. september eftir kosningabaráttu á móti Taro Kono, sem stýrði aðgerðum stjórnvalda gegn COVID-19-faraldrinum, Seiko Noda, fyrrverandi jafnréttisráðherra, og þingkonunni Sanae Takaichi. Eftir kjör sitt á forsetastól hvatti Kishida flokksfélaga sína til að sýna Japönum að Frjálslyndi lýðræðisflokkurinn væri endurborinn og væri þess verður að fara áfram með stjórn landsmála.[3]

Japanska þingið staðfesti Kishida sem nýjan forsætisráðherra Japans þann 4. október 2021. Kishida hefur talað fyrir breytingum á efnahagsstefnunni sem Japan hefur fylgt frá því á stjórnartíð Shinzō Abe, sem Kishida vill meina að þjóni fyrst og fremst hagsmunum stórfyrirtækja.[4]

Kishida leiddi Frjálslynda lýðræðisflokkinn í kosningum þann 31. október 2021. Flokkurinn viðhélt hreinum meirihluta á japanska þinginu.[5]

Óvinsældir Kishida jukust jafnt og þétt á kjörtímabilinu í takt við versnandi efnahagsástand og ásakanir um spillingu innan Frjálslynda lýðræðisflokksins. Kishida tilkynnti þann 14. ágúst 2024 að hann myndi ekki gefa kost á sér til endurkjörs sem forseti flokksins í september og myndi láta af embætti forsætisráðherra þegar nýr flokksleiðtogi hefði verið kjörinn.[6] Shigeru Ishiba var kjörinn nýr leiðtogi flokksins þann 27. september 2024.[7]

Tilvísanir

[breyta | breyta frumkóða]
  1. ↑ Markús Þ. Þórhallsson (4. október 2021). „Japansþing kaus Kishida sem forsætisráðherra“. RÚV. Sótt 4. október 2020.
  2. ↑ Atli Ísleifsson (29. september 2021). „Allar líkur á að Kis­hida taki við em­bætti for­sætis­ráð­herra af Suga“. Vísir. Sótt 4. október 2020.
  3. ↑ Ásgeir Tómasson (29. september 2021). „Nýr leiðtogi Japans kjörinn“. RÚV. Sótt 4. október 2020.
  4. ↑ Atli Ísleifsson (4. október 2021). „Kis­hida stað­festur í em­bætti for­sætis­ráð­herra“. Vísir. Sótt 4. október 2021.
  5. ↑ Atli Ísleifsson (1. nóvember 2021). „Flokkur Kis­hida náði hreinum meiri­hluta“. Vísir. Sótt 27. nóvember 2021.
  6. ↑ „Óvinsæll forsætisráðherra stígur til hliðar“. mbl.is. 14. ágúst 2024. Sótt 14. ágúst 2024.
  7. ↑ Hugrún Hannesdóttir Diego (27. september 2024). „Shig­eru Ishiba verður næsti for­sæt­is­ráð­herra Japan“. RÚV. Sótt 1. október 2024.


Fyrirrennari:
Yoshihide Suga
Forsætisráðherra Japans
(4. október 2021 – 1. október 2024)
 Eftirmaður:
Shigeru Ishiba


  Þetta æviágrip sem tengist stjórnmálum og Japan er stubbur. Þú getur hjálpað til með því að bæta við greinina.
Sótt frá „https://is.wikipedia.org/w/index.php?title=Fumio_Kishida&oldid=1885005“