Sauli Niinistö

Úr Wikipediu, frjálsa alfræðiritinu
Jump to navigation Jump to search
Sauli Niinistö
Sauli Niinistö - 171106-D-GY869-041 (37501659204) (cropped).jpg
Forseti Finnlands
Núverandi
Tók við embætti
1. mars 2012
Persónulegar upplýsingar
Fæddur24. ágúst 1948 (1948-08-24) (70 ára)
Salo, Finnlandi
ÞjóðerniFinnskur
StjórnmálaflokkurSamstöðuflokkurinn
MakiMarja-Leena Alanko (g. 1974; d. 1995), Jenni Haukio (g. 2009)
Börn3
HáskóliHáskólinn í Turku
StarfStjórnmálamaður
Undirskrift

Sauli Väinämö Niinistö (f. 24. ágúst 1948) er finnskur stjórnmálamaður, lögfræðingur og bankamaður sem hefur verið forseti Finnlands frá árinu 2012. Niinistö vann sigur í annarri umferð finnsku forsetakosninganna það ár með 62,6% atkvæða gegn græningjanum Pekka Haavisto. Niinistö er meðlimur í finnska Samstöðuflokknum og var árið 2012 fyrsti forseti Finnlands úr röðum íhaldsmanna í um þrjátíu ár.[1] Niinistö er hlynntur frekari samruna við Evrópusambandið og hafði fyrir forsetatíð sína verið fjármálaráðherra Finnlands frá 1996 til 2003.[2] Hann hafði einnig verið dómsmálaráðherra og forseti finnska þingsins.[3]

Niinistö var endurkjörinn þann 28. janúar 2018 í fyrstu umferð kosninga með um 60% atkvæða. Hann bauð sig fram til endurkjörs óháður stjórnmálaflokkum. Honum hafði meðal annars verið hrósað fyrir að halda jafnvægi í samskiptum Finna við Rússland á sama tíma og aukin spenna er komin upp milli Rússlands og vesturlanda.[4] Niinistö tók þann 16. júlí á móti Donald Trump Bandaríkjaforseta og Vladímír Pútín Rússlandsforseta á leiðtogafundi þeirra í Helsinki.

Tilvísanir[breyta | breyta frumkóða]

  1. „Sauli Niinistö verður næsti forseti Finnlands“. Landpósturinn (5. febrúar 2012), skoðað þann 11. júlí 2018.
  2. „Sauli Niinistö kosinn forseti Finna“. RÚV (5. febrúar 2012), skoðað þann 11. júlí 2018.
  3. „Niinistö sækist eftir endurkjöri“. Vísir (29. maí 2017), skoðað þann 11. júlí 2018.
  4. „Ni­inisto end­ur­kjör­inn for­seti Finn­lands“. mbl.is (28. janúar 2018), skoðað þann 11. júlí 2018.


Fyrirrennari:
Tarja Halonen
Forseti Finnlands
(1. mars 2012 – )
Eftirmaður:
Enn í embætti