Sólmyrkvinn 12. ágúst 2026

Úr Wikipediu, frjálsa alfræðiritinu
Jump to navigation Jump to search
Hreyfimynd af ferli sólmyrkvans

Sólmyrkvinn 12. ágúst 2026 verður almyrkvi á sólu sem gengur yfir Norðurslóðir, austanvert Grænland, Ísland, Atlantshaf og Spán. Almyrkvi verður þegar tunglið gengur á milli jarðarinnar og sólar þannig að það hylur algerlega sólina frá jörðu séð. Myrkvinn verður í hámarki yfir hafinu skammt vestan Látrabjargs kl. 17:45.53. Almyrkvinn verður sá fyrsti sem sést frá Íslandi síðan almyrkvi gekk yfir meðfram suðurströndinn 30. júní 1954 en næsti almyrkvi sem gengur yfir Ísland verður ekki fyrr en árið 2196.[1] Almyrkvinn gengur svo yfir Atlantshaf og nær aftur landi á Spáni þar sem hann gengur þvert yfir landið norðanvert til Miðjarðarhafs og yfir Baleareyjar. Almyrkvi á sólu sást síðast á Spáni 30. ágúst 1905. Sólmyrkvinn sést sem deildarmyrkvi sem hylur hluta af sólinni í Evrópu, Norður-Afríku og Norður-Ameríku. Deildarmyrkvinn hylur meira en 90% af sólinni á þeim hlutum Íslands og Spánar sem almykrvinn gengur ekki yfir og einnig á Grænlandi, Færeyjum, Bretlandseyjum, Portúgal, N-Afríku við Miðjarðarhaf, Frakklandi, Sviss, Ítalíu og Balkanskaga.

Á Íslandi gengur almyrkvinn yfir Vestfirði, Snæfellsnes, Mýrar, Reykjavík og Suðurnes. Hámark myrkvans gengur eftir línu í hafinu vestur af landinu og lengd hans verður meiri eftir því sem farið er nær þeirri línu. Á Látrabjargi stendur almyrkvinn í 2 mínútur og 13 sekúndur en eina mínútu í Reykjavík þar sem hann hefst 17:48. Utan þess svæðis sem almyrkvinn gengur yfir verður deildarmyrkvi sem hylur t.d. 97,9% af sólinni á Akureyri og 95,2% á Neskaupstað.

Sólmyrkvinn 12. ágúst 2026
Staður Land Upphaf deildarmyrkva Upphaf almyrkva Lok almyrkva Lok deildarmykrva Lengd almyrkva Stærð
Ísafjörður Fáni Íslands Ísland 16:43:17 17:44:06 17:45:37 18:43:56 1m 31s 1.005
Látrabjarg Fáni Íslands Ísland 16:43:39 17:44:28 17:46:41 18:44:55 2m 13s 1.014
Ólafsvík Fáni Íslands Ísland 16:45:05 17:45:53 17:47:57 18:46:07 2m 3s 1.011
Borgarnes Fáni Íslands Ísland 16:46:30 17:47:40 17:48:23 18:46:53 43s 1.001
Akranes Fáni Íslands Ísland 16:46:49 17:47:51 17:48:57 18:47:17 1m 6s 1.002
Reykjavík (Lækjartorg) Fáni Íslands Ísland 16:47:12 17:48:16 17:49:15 18:47:37 1m 1.002
Mosfellsbær Fáni Íslands Ísland 16:47:16 17:48:32 17:49:02 18:47:35 30s 1.000
Sandgerði Fáni Íslands Ísland 16:47:03 17:47:54 17:49:39 18:47:47 1m 45s 1.007
La Coruña Fáni Spánar Spánn 19:30:52 20:27:37 20:28:51 21:21:55 1m 14s 1.004
Bilbao Fáni Spánar Spánn 19:31:43 20:27:17 20:27:49 sólsetur 21:19 32s 1.001
Zaragoza Fáni Spánar Spánn 19:34:36 20:28:57 20:30:22 sólsetur 21:08 1m 25s 1.007
Palma de Mallorca Fáni Spánar Spánn 19:37:59 20:31:00 20:32:36 sólsetur 20:49 1m 36s 1.015
  1. „Sólmyrkvar á Íslandi fram til 2200“. Almanak Háskólans. [skoðað 08-03-2015].