Li Keqiang

Þetta er kínverskt nafn: kenni- eða fjölskyldunafnið er Li, eiginnafnið er Keqiang.

Li Keqiang 李克强
Forsætisráðherra Alþýðulýðveldisins Kína
Í embætti 15. mars 2013 – 11. mars 2023
Forseti	Xi Jinping
Forveri	Wen Jiabao
Eftirmaður	Li Qiang
Persónulegar upplýsingar
Fæddur	1. júlí 1955 (1955-07-01) Hefei, Anhui, Kína
Stjórnmálaflokkur	Kommúnistaflokkur Kína
Maki	Cheng Hong
Börn	1
Háskóli	Háskólinn í Peking
Starf	Stjórnmálamaður

Li Keqiang (kínverska: 李克强; f. 1. júlí 1955) er kínverskur stjórnmálamaður og fyrrverandi forsætisráðherra Alþýðulýðveldisins Kína. Li er hagfræðingur að mennt og var einn af helstu stjórnendum kínverskrar fjárhags-, utanríkis- og öryggisstefnu á ráðherratíð sinni. Hann var jafnframt næstráðandi í fastanefnd stjórnmálanefndar Kommúnistaflokks Kína, sem fer með æðstu völd í landinu. Li var einn af helstu leiðtogum „fimmtu valdakynslóðar“ Alþýðulýðveldisins ásamt aðalritaranum og forsetanum Xi Jinping.

Li komst til metorða með starfi sínu í ungliðahreyfingu Kommúnistaflokksins. Frá 1998 til 2004 var Li landstjóri Henan og flokksritari héraðsdeildar flokksins þar. Frá 2004 til 2007 var hann flokksritari í Liaoning, sem var æðsta stjórnmálaembætti héraðsins. Frá 2008 til 2013 var Li aðstoðarforsætisráðherra í ríkisstjórn Wen Jiabao og fór fyrir ráðuneyti sem sneri meðal annars að fjárhagsþróun, verðstýringu, loftslagsbreytingum og þjóðhagfræðistjórn.

Vegna reynslu sinnar úr ungliðahreyfingunni er gjarnan litið á Li sem bandamann fyrrum flokksleiðtogans Hu Jintao. Li varð forsætisráðherra árið 2013 og hefur staðið fyrir forgangsbreytingu kínversku stjórnarinnar úr áherslu á útflutningsþróun í aukna áherslu á neyslu innanlands. Li hefur einnig verið einn helsti hvatamaðurinn að „dýpkandi umbótum“ sem tilkynntar voru haustið 2013.

Tilvísanir

Fyrirrennari: Wen Jiabao

Forsætisráðherra Alþýðulýðveldisins Kína (15. mars 2013 – 11. mars 2023)

Eftirmaður: Li Qiang