Hallormsstaðaskógur

Birki í Hallormsstað.

Hallormsstaðaskógur er stærsti skógur á Íslandi. Hann er austan við Lagarfljót á Fljótsdalshéraði, um 25 km sunnan við Egilsstaði. Upp af skóginum er Hallormsstaðaháls sem skilur á milli Fljótsdals og Skriðdals.

Þótt bærinn heiti Hallormsstaður er málvenja að nota „Hallormsstaða-“ (ekki „Hallormsstaðar-“) í samsettum orðum. Það helgast líklega af því að upphaflega hét bærinn Hallormsstaðir, en nafnið breyttist þegar hann varð „staður“ (staðamál), eins og flestir kirkjustaðir hér á landi.

Árið 1903 stofnaði Skógrækt ríkisins skógræktarstöð við Hallormsstað. Skógurinn er einn af þjóðskógum Íslands. Í skóginum er trjásafn þar sem finna má sum elstu og hæstu tré sinnar tegundar á Íslandi. Þar má meðal annars finna eik, lindifuru, marþöll, fjallaþöll, degli, fjallaþin, blágreni, stafafuru, lerki, broddfuru, risalífvið, blæösp og gráelri.

Í Hallormsstaðaskógi er tjaldstæðið og samkomustaðurinn Atlavík.

Tenglar

• Þjóðskógur á Hallormsstað (Skógrækt ríkisins)
• Merktar gönguleiðir í Hallormsstaðaskógi
• Hallormsstaðaskógur - Greinargerð með deiliskipulag á tjaldsvæði við Þurshöfðavík (pdf), Mars 2005

  Þessi Íslandsgrein er stubbur. Þú getur hjálpað til með því að bæta við greinina.