Fljótsdalshérað
Fljótsdalshérað var sveitarfélag á mið-Austurlandi sem varð til 1. nóvember 2004, við sameiningu Austur-Héraðs, Fellahrepps og Norður-Héraðs og við þá sameiningu varð til fjölmennasta sveitarfélag á Austurlandi með um 4.000 íbúa, og þar af búa ríflega 2.300 manns í þéttbýlinu á Egilsstöðum og í Fellabæ. Árið 2020 sameinaðist Fljótsdalshérað í enn stærra sveitarfélag Múlaþing.
Um svæðið féllu Lagarfljót og Jökulsá á Dal. Hallormsstaðaskógur, stærsti skógur landsins, var innan marka sveitarfélagsins.
Í sveitarfélaginu voru eftirfarandi sveitir, sem eitt sinn voru hver um sig sjálfstætt sveitarfélag: Jökuldalur, Jökulsárhlíð, Hróarstunga, Fell, Hjaltastaðaþinghá, Eiðaþinghá, Vellir og Skógar (sem áður mynduðu einn hrepp), og Skriðdalur. Fljótsdalshérað var svipað að flatarmáli og Púertó Ríkó.
Tengill
[breyta | breyta frumkóða]
Þessi Íslandsgrein sem tengist landafræði er stubbur. Þú getur hjálpað til með því að bæta við greinina.