Höfundaréttur

Höfundaréttar-merkið © er bókstafurinn C (fyrir copyright) innan í hring.

Höfundaréttur er lögfest safn réttinda sem höfundar efnis njóta, svo sem höfundar tónlistar, skáldskapar, myndlistar, kvikmynda og allra annarra listverka og hugverka, og kveður á um hvernig megi dreifa eða nota tiltekið efni. Höfundaréttur er samræmdur með ólíkum sáttmálum á borð við Bernar-sáttmálann.

Kjarni höfundaréttar er tvískiptur, sæmdarréttur annars vegar og fjárhagsleg réttindi hins vegar. Fjárhagslegu réttindin fela í sér einkarétt til þess að gefa út og dreifa efni. Útgáfuréttur er framseljanlegur. Sæmdarréttur er réttur höfundar til þess að njóta viðurkenningar fyrir verk sín. Hann er óframseljanlegur og varanlegur réttur höfundar. Fjárhagslegu réttindin erfast til erfingja höfundarins en sæmdarréttur er hins vegar persónubundinn réttur sem aðeins höfundurinn sjálfur nýtur.

Höfundaréttur á Íslandi

Aðalgrein: Höfundaréttur á Íslandi

Gildistími höfundaréttar á Íslandi

Höfundaréttur á Íslandi helst þangað til 70 ár eru liðin frá næstu áramótum eftir lát þess höfundar sem lengst lifir. Það þýðir að deyi höfundur árið 2024 heldur dánarbúið höfundarétti út árið 2094.

Nú er höfundaréttur er fallinn af verkum þeirra höfunda sem dóu árið 1953 eða fyrr.

Tengt efni

• Höfundarréttur á Internetinu
• Höfundaréttur á Íslandi

  Þessi grein er stubbur. Þú getur hjálpað til með því að bæta við greinina.