Þrass

Úr Wikipediu, frjálsa alfræðiritinu
Testament er þrassmetal sveit frá Kaliforníu.
Slayer árið 2007

Þrass (enska: Thrash) er tónlistarstefna og ein undirgrein þungarokksins. Þrass einkennist af mjög hröðum takti og hörku. Textarnir einkennast oftar en ekki af félagslegri ádeilu og andúð á nútíma ríkisvaldi og þykja beinskeyttir. Sögulega séð eru stærstu þrasshljómsveitirnar Metallica, Megadeth, Anthrax og Slayer vegna áhrifa þeirra á stefnuna á 9. áratug 20. aldar, oft kallaðar Risarnir fjórir (e. The Big Four).

Tónlistarstefnan þróaðist í byrjun 9. áratugarins og var undir áhrifum meðal annars frá harðkjarnapönki og bresku nýbylgjuþungarokki (Judas Priest, Iron Maiden, Motörhead o.fl.).[1] Öflugar tónlistarsenur mynduðust á austurströnd og vesturströnd Bandaríkjanna en einnig í löndum eins og Þýskalandi (Kreator, Sodom, Tankard og Destruction) og Brasilíu (Sepultura).

Einn hápunkta senunnar er talinn vera The Clash of the Titans tónleikaferðalagið (1990–1991), þar sem Megadeth, Slayer og Anthrax spiluðu saman. Tuttugu árum seinna komu þessar hljómsveitir aftur saman ásamt Metallica og fóru á tónleikaferðalag sem Risarnir fjórir.

Stefnan fór í hálfgerðan dvala eftir 1991 en í upphafi árþúsundsins 2000 fór tónlistarstefnan að vakna upp á ný; nýjar hljómsveitir komu fram og gamlar hljómsveitir sóttu að endurvekja fyrri stíl. Afleiddar stefnur urðu til eins og dauðaþrass og groove metal.

Þrass hafði auk þess áhrif á bæði dauðarokk og svartmálm.

Listi yfir hljómveitir sem hafa þrass í tónlist sinni[breyta | breyta frumkóða]

Tilvísanir[breyta | breyta frumkóða]

  Þessi tónlistargrein er stubbur. Þú getur hjálpað til með því að bæta við greinina.
  1. Thrash metal Allmusic, skoðað 23. september, 2016.