Megadeth

Úr Wikipediu, frjálsa alfræðiritinu
Stökkva á: flakk, leita
Megadeth þakkar áheyrendum fyrir tónleika
Dave Mustaine.

Megadeth er bandarísk bylturokks (e. thrashmetal) hljómsveit stofnuð árið 1983. Hún er ein af fjórum stærstu thrash/metal hljómsveitunum en hinar þrjár eru: Slayer, Metallica og Anthrax.[heimild vantar] Undir forystu forsprakkans Dave Mustaine hefur sveitin selt yfir 25 milljónir plata.

Söguágrip[breyta | breyta frumkóða]

Megadeth var stofnuð árið 1983 eftir að Dave Mustaine hafði verið rekinn úr Metallica fyrir drykkjuskap og ofbeldi þegar sveitin var í New York en hann hafði verið með þeim í tvö ár. Mustaine tók rútu frá New York til Los Angeles og í því ferðalagi sem tók um viku fékk hann hugmyndina að hljómsveitinni og nafnið Megadeth sem hann sá í tímaritsgrein sem fjallaði um kjarnorkustríð. Mustaine leitaði eftir meðlimum og meðal þeirra sem spreyttu sig var m.a. Kerry King sem stofnaði Slayer. Mustaine fann bassaleikara í nágranna sínum Dave Ellefsson sem hafði flutt frá Minnesota til að reyna fyrir sér í borginni. Árið 1985 kom út fyrsta plata Megadeth; Killing Is My Business og árið eftir Peace Sells...But Who's Buying. Vímuefnanotkun hljómsveitarinnar markaði sitt spor á hljómsveitina í gegnum árin og liðskipan breyttist talsvert fyrir utan Mustaine og Ellefsson sem voru yfirleitt kjarnameðlimir. Árið 1992 kom út platan Countdown to Extinction sem seldist vel og var melódískara verk en áður. Sveitin hélt áfram melódískari stefnu á tíunda áratugnum. Árið 2002 slasaðist Mustaine á hendi og hljómsveitin hætti vegna þessa til 2004. Ellefson var ósáttur við fjármál varðandi Megadeth og hætti í hljómsveitinni en sneri aftur 2010 eftir að málin höfðu verið leyst.

Árið 2016 gaf Megadeth út plötuna Dystopia sem er endurkoma til thrashmetalstíls þeirra. Mustaine fékk til liðs við sig brasilískan gítarleikara, Kiko Loreiro sem spilað hefur með hljómsveitinni Angra. Einnig fékk hann trommarann Chris Adler sem lamið hefur húðir fyrir Lamb of God.[1]

Árið 2005 spilaði Megadeth á skemmtistaðnum Nasa í Reykjavík.[2]

Plötur[breyta | breyta frumkóða]

  • 1985: Killing Is My Business... And Business is Good!
  • 1986: Peace Sells... But Who's Buying?
  • 1988: So Far So Good... So What!
  • 1990: Rust In Peace
  • 1992: Countdown To Extinction
  • 1994: Youthanasia
  • 1997: Cryptic Writings
  • 1999: Risk
  • 2001: The World Needs A Hero
  • 2004: The System Has Failed
  • 2007: United Abominations
  • 2009: Endgame
  • 2011: Thirteen
  • 2013: Supercollider
  • 2016: Dystopia

Núverandi Meðlimir[breyta | breyta frumkóða]

  • Dave Mustaine: Söngur og Gítar
  • Kiko Loreiro: Gítar
  • Dave Ellefson: Bassi
  • Chris Adler: Trommur

Tilvísanir[breyta | breyta frumkóða]

Wikimedia Commons er með margmiðlunarefni sem tengist
  1. Megadeth - Biography Allmusic. Skoðað 8. mars, 2016.
  2. Megadeth á Nasa Mbl.is. Skoðað 8. mars, 2016