Urðakirkja

Urðakirkja
Urðir (mars 2005) Árni Hjartarson
Almennt
Byggingarár:	1902
Kirkjugarður:	Já
Arkitektúr
Turn:	Enginn
Kirkjurýmið
Altari:	Altaristafla eftir Arngrím málara

Urðakirkja er kirkjan að Urðum Svarfaðardal sem var byggð 1902 en gamla kirkjan hafði fokið í Kirkjurokinu haustið 1900 og brotnað í spón. Hún er turnlaus og í svipuðum byggingarstíl og hinar kirkjur dalsins, á Tjörn og Völlum. Urðakirkja var bændakirkja og það var Sigurhjörtur Jóhannesson bóndi á Urðum sem lét reisa kirkjuna og kostaði allmiklu til hennar. Í henni er altaristafla eftir Arngrím málara frá Gullbringu. Sigurhjörtur gaf söfnuðinum kirkjuna 1918. Gamall kirkjugarður er við kirkjuna en nýrri garður er á hæð upp af kirkjunni ofan þjóðvegar. Elsta heimild um Urðakirkju er í Auðunnarmáldaga frá 1318. Þar segir að hún sé helguð með guði, Maríu mey og Andrési postula.

Urðasókn nær yfir allan innsta hluta dalsins frá Þverá í Svarfaðardal og fram í Kot en einnig yfir Skíðadal vestan ár allt fram að Þverá í Skíðadal, þar tekur Vallasókn við. Urðir hafa aldrei verið prestssetur, kirkjan var annexía frá Tjörn. Kirkjan var friðuð 1. janúar 1990.

Heimildir

• Hjörtur Eldjárn Þórarinsson. „Svarfaðardalur og gönguleiðir um fjöllin“. Árbók Ferðafélags Íslands. () (1973): 9-119.
• Stefán Aðalsteinsson (1978). Svarfdælingar. Iðunn, Reykjavík.
• Jón Torfason og Þorsteinn Gunnarsson, ritstjórar (2007). Kirkjur Íslands 9. bindi. Hið íslenska bókmenntafélag, Reykjavík.

Tenglar

• Urðakirkja á kirkjukort.net Geymt 15 apríl 2021 í Wayback Machine