Norræni loftslagssjóðurinn

Norræni loftslagssjóðurinn er fjárvörslusjóður á vegum Norræna þróunarsjóðsins.

Norræni loftslagssjóðurinn (e. Nordic Climate Facility, NCF) er fjárvörslusjóður sem rekinn er af Norræna þróunarsjóðnum veitir styrki til nýsköpunarverkefna sem ætlað er að sporna gegn áhrifum loftslagsbreytinga í lágtekjuríkjum.

NCF sem stofnað var til árið 2009, er starfræktur í samstarfi Norræna þróunarsjóðsins og Norræna umhverfisfjármögnunarfélagsins. Að endingu heyrir hann undir Norrænu ráðherranefndina.

Framkvæmd

Norræni loftslagssjóðurinn styrkir verkefni sem stuðla að framgangi sjálfbærnimarkmiða Sameinuðu þjóðanna.

Styrkir NCF eru á bilinu 250.000 til 500.000 evrur til loftslagstengdra verkefna í fátækustu ríkjum Afríku, Asíu og Suður-Ameríku. Auk þess koma oft framlög frá ýmsum öðrum til verkefna sem sjóðurinn styrkir. Skilyrði fyrir veitingu styrks er að hægt sé að framkvæma verkefnin á tveimur árum. Valin eru verkefni sem stuðla að framgangi sjálfbærnimarkmiða Sameinuðu þjóðanna.

Ríki sem geta notið stuðnings

Norræni loftslagssjóðurinn fjármagnar verkefni í 21 ríki:

• Í Afríku: Benín, Búrkína Fasó, Eþíópía, Gana, Kenía, Malaví, Mósambík, Rúanda, Senegal, Tansanía, Úganda og Sambía.

• Í Asíu: Bangladess,Kambódía, Laos, Nepal, Srí Lanka og Víetnam.

• Í Mið-og Suður Ameríku: Bólivía, Hondúras og Níkaragva.

Tenglar

• Enskur vefur Norræni loftslagssjóðsins (NCF) (e. Nordic Climate Facility)
• Norræni þróunarsjóðurinn
• Kynning Emeli Möller forstöðumanns Norræna loftslagssjóðsins á fundi Íslandsstofu 31. maí 2018: NCF - Climate as Business^{[óvirkur tengill]}
• Íslenskur vefur um Norrænt samstarf á vegum Norðurlandaráðs og Norrænu ráðherranefndarinnar.
• Norræna ráðherranefndin