Microsoft Windows

Úr Wikipediu, frjálsa alfræðiritinu
Stökkva á: flakk, leita

Microsoft Windows er fjölskylda stýrikerfa fyrir einkatölvur þó að aðrar útgáfur séu til, t.d. fyrir netþjóna og lófatölvur. Microsoft hannar, þróar, styður, og er framleiðani Windows stýrikerfin og Windows er ein af stærstu framleiðsluvörum þeirra.

Windows logo

Byrjunin[breyta]

Það var árið 1985 sem Microsoft kynnti fyrst til sögunnar stýrikerfið Windows. Var það þá viðbót við MS-DOS sem mótsvar við hinu grafíska notendaviðmóti sem Apple Macintosh gerði frægt. Með samningum við IBM, stærsta tölvuframleiðandann á þessum tíma, náði Microsoft markaðsyfirráðum í stýriskerfasölu með um 90% markaðshlutdeild.

Saga[breyta]

Sjá einnig: Listi yfir útgáfur Microsoft Windows

MS-DOS vinnuumhverfi[breyta]

Fyrsta útgáfan af Windows, Windows 1, kom út árið 1985 eins og áður segir en var ekki heilt stýrikerfi heldur grafískt viðmót fyrir MS-DOS en sú útgáfa náði aldrei miklum vinsældum. Windows 2 kom út 1987 og náði aðeins meiri vinsældum en forveri þess. Það var Í útgáfu 2.03 varð mikil breyting, þá voru kynntir svokallaðir fljótandi gluggar. Apple Inc. lögsótti þá Microsoft þar sem talið var að höfundarréttur Apple væri brotinn. Þremur árum seinna lét Microsoft frá sér útgáfu 3. Sú útgáfa var sú fyrsta frá Microsoft til að seljast í meira en 2 milljónum eintaka fyrsta hálfa árið á markaðnum. Það hafði mun þróaðra viðmót og hægt var að vera með mörg forrit í gangi í einu.

Windows 9x[breyta]

Síðan komu Windows 9x stýrikerfin sem voru stýrikerfi frekar en vinnuumhverfi þótt þau byggðu á MS-DOS kóða. Nokkur þeirra eru:

Windows NT[breyta]

Windows NT stýrikerfin eru með nýjan stýrikerfiskjarna en MS-DOS og eru nýjustu stýrikerfin fyrir heimanotendur (“skjáborðs tölvur“) og eru meðal annars Windows XP, Windows Vista og hið fyrirhugaða Windows 7 stýrikerfi í þessum flokki.

Um nokkur kerfi[breyta]

Windows ME[breyta]

Það kerfi átti að vera mikið tímamótaverkefni en fór í vaskinn vegna skorts á stöðugleika, Windows ME var oft kallað Mistake Edition. Með Windows ME kom einnig Windows Movie Maker til sögunnar og var síðasta Windows stýrikerfið sem notaðist við Windows 9x kjarnann.

Windows XP[breyta]

Sjá einnig: Windows XP

Í Október 2001 sendi Microsoft frá sér Windows XP. Það var nokkuð endurbætt útgáfa af Windows NT kjarnanum. Með Windows XP kom einnig endurbætt notandaviðmót. Windows XP var hannað með bæði skrifstofu- og heimanotkun í huga og gefnar voru út tvær útgáfur, Windows XP Home Edition og Windows XP Professional. Í raun voru kerfin eins að því undanskildu að ýmsir eiginleikar voru faldir eða óvirkir í Home Edition. Árið 2003 kom svo út Media Center-viðbótin.

Windows Vista[breyta]

Sjá einnig: Windows Vista

Vista var sett í sölu til almennings 30. janúar, árið 2007. En þá var það búið að vera í boði fyrir stórnotendur frá 30. nóvember, 2006.

Windows 7[breyta]

Sjá einnig: Windows 7

Windows 7 kom út árið 2009.

Tenglar og heimildir[breyta]

Tenglsanet[breyta]

Windows family.svg Myndin hér að neðan sýnir tengsl Windows-stýrikerfanna sinna á milli.

  Þessi Microsoftgrein er stubbur. Þú getur hjálpað til með því að bæta við greinina.