Windows 10

Windows 10 er útgáfa af stýrikerfinu Windows frá Microsoft, sem tók við af Windows 8.1. Windows 10 kom út 29. júlí 2015 og fékkst annað hvort sem 32-bita (x86) eða 64-bita (x64); og síðar kom út afbrigði frá Microsoft fyrir Arm örgjörva, og sú útgáfa af stýrikerfinu getur líka keyrt x86 forrit (með hermun sem ræður við flest forrit), þ.e. keyrir hefðbundin Windows forrit. Samsvarandi þjónaútgáfur af Windows eru Windows Server 2016, 2019 og 2022. Windows 11 er næsta útgáfa sem tók við, og flestir geta uppfært og var boðið að uppfæra í ókeypis.

Microsoft Edge vafrinn kom fyrst með Windows 10, sem er arftaki Internet Explorer.

Windows 10 (og 11) bíður upp á stuðning við Linux forrit, því WSL2 undirkerfið inniheldur Linux kjarna; og því Linux dreyfingar (e. distro), t.d. Ubuntu.

Á heimsvísu tók Windows 10 framúr vinsældum Windows 7 (sem áður hafði orðið vinsælast og tekið við af Windows XP), og skv. StatCounter var Ísland fyrsta landið til að gera það. Síðan þá hefur Windows 11 orðið langvinsælasta útgáfan af Windows í heiminum og líka á Íslandi. Aðrar útgáfur (fyrir heimanotendur) s.s. Windows 7, eru nú hverfandi lítið notaðar, alla vega ekki á Íslandi, fyrir utan arftakann Windows 11.

Windows 10 er síðasta útgáfan af Windows fyrir 32-bita örgjörva og tölvur með BIOS, og tölvur án TPM eða TPM 1.2. Arftakinn, Windows 11, þarf UEFI (sem er arftaki BIOS) og 64-bita örgjörva (x86-64 eða ARMv8).

Stuðningi við Windows 10 var hætt 14. október 2025 (með fáum undantekningum, t.d. fyrirtækja LTSC útgáfan verður studd til 12. janúar 2027) en hægt er að fá framlengingu á öryggisstuðningi. Windows 10, útgáfa 22H2, er eina Windows 10 útgáfan sem hægt er að fá framlengdan stuðning við, þ.e. Extended Security Updates (ESU), fram til 13. október 13, 2026 fyrir almenna notendur og 10. október 2028 fyrir fyrirtæki og skóla.

  Þessi Microsoftgrein er stubbur. Þú getur hjálpað til með því að bæta við greinina.