José Piendibene
| José Piendibene | ||
| ||
| Upplýsingar | ||
|---|---|---|
| Fullt nafn | José Miguel Piendibene Ferrari | |
| Fæðingardagur | 5. júní 1890 | |
| Fæðingarstaður | ||
| Dánardagur | 12. nóvember 1969 (79 ára) | |
| Leikstaða | Framherji | |
| Meistaraflokksferill1 | ||
| Ár | Lið | Leikir (mörk) |
| 1908-1928 | Peñarol | - 506 (253) |
| Landsliðsferill | ||
| 1909-1922 | Úrúgvæ | 43 (22) |
| Þjálfaraferill | ||
| 1934 1940-1941 |
Peñarol Peñarol | |
|
1 Leikir með meistaraflokkum og mörk | ||
José Miguel Piendibene Ferrari (f. 5. júní 1890 - d. 12. nóvember 1969) var knattspyrnumaður frá Úrúgvæ, sem lék sem framherji og er talinn einn besti leikmaður í sögu þjóðar sinnar. Hann lék allan sinn feril hjá Peñarol og tók síðar að sér þjálfun liðsins.
Ævi og ferill[breyta | breyta frumkóða]
Piendibene var leikmaður með Peñarol frá Montevídeó frá 1908 til 1928. Á þeim tíma vann hann ellefu titla, þar af fjóra úrúgvæska meistaratitla. Alls tók hann þátt í 62 leikjum gegn erkijendunum í Nacional, fleiri en nokkur annar leikmaður. Árið 1924 var hann útnefndur heiðursfélagi í Peñarol og var hann fánaberi á fimmtíu ára afmæli félagsins árið 1941.
Árið 1909 lék Piendibene sinn fyrsta landsleik, gegn Argentínumönnum í Buenos Aires. Árið eftir lék hann tvo leiki í fyrsta móti suður-amerískra landsliða, en ekki er hefð fyrir að telja þá keppni til hinnar opimberu Suður-Ameríkukeppni karla í knattspyrnu. Fyrsta formlega Suður-Ameríkukeppnin fór fram í Argentínu 1916. Úrúgvæ fór með sigur af hólmi á mótinu og skoraði Piendibene fyrsta markið í sögu keppninnar í leik gegn Síle. Hann var einnig í sigurliði Úrúgvæ í sömu keppni árið 1920.
Eftir að Piendibene lagði skóna á hilluna tók hann í tvígang við þjálfun Peñarol.
Hann lést árið 1969, 79 ára að aldri.
Heimildir[breyta | breyta frumkóða]
- Fyrirmynd greinarinnar var „José Piendibene“ á ensku útgáfu Wikipedia. Sótt 9. mars 2024.