José Manuel Barroso

Úr Wikipediu, frjálsa alfræðiritinu
Jump to navigation Jump to search
José Manuel Barroso
Barroso EPP Summit October 2010.jpg
Forseti framkvæmdaráðs Evrópusambandsins
Í embætti
22. nóvember 2004 – 31. október 2014
Forsætisráðherra Portúgals
Í embætti
6. apríl 2002 – 17. júlí 2004
Persónulegar upplýsingar
Fædd(ur)

23. apríl 1956 (1956-04-23) (62 ára)

Lissabon, Portúgal
Þjóðerni Portúgalskur
Stjórnmálaflokkur Jafnaðarmannaflokkurinn
Maki

Maria Margarida Sousa Uva

(g. 1980; d. 2016)
Börn 3
Háskóli Háskólinn í Lissabon
Háskólinn í Genf
Háskólinn í Georgetown
Undirskrift

José Manuel Durão Barroso (f. 23. mars 1956) er portúgalskur stjórnmálamaður sem vinnur sem formaður og ráðgjafi hjá bandaríska fjárfestingabankanum Goldman Sachs.[1] Barroso var forsætisráðherra Portúgals frá 2002 til 2004 og forseti framkvæmdastjórnar Evrópusambandsins frá 2004 til 2014.

Barroso varð formaður portúgalska Jafnaðarmannaflokksins árið 1999. Eftir þingkosningar árið 2002 hlaut Jafnaðarmannaflokkurinn nógu mörg þingsæti til þess að stofna samsteypustjórn með hægrisinnaða Fólksflokknum. Barroso gerðist forsætisráðherra og beitti sér sem slíkur fyrir því að draga úr fjárhagshalla á portúgölskum ríkisútgjöldum svo þau samræmdust 3% viðmiði Evrópusambandsins. Niðurskurður Barrosos í ríkisútgjöldum varð honum ekki til vinsælda meðal vinstrimanna og opinberra starfsmanna.

Í mars árið 2003 tók Barroso á móti George W. Bush Bandaríkjaforseta, Tony Blair forsætisráðherra Bretlands og José María Aznar forsætisráðherra Spánar á Terceira í Asóreyjum. Leiðtogarnir fjórir funduðu þar og skipulögðu innrásina í Írak sem gerð var sama ár.

Barroso lauk ekki kjörtímabili sínu sem forsætisráðherra því árið 2004 var hann tilnefndur í embætti forseta framkvæmdastjórnar Evrópusambandsins. Hann hlaut einróma stuðning leiðtoga aðildarríkja Evrópusambandsins í embættið og tók við embætti af Romano Prodi þann 22. nóvember.[2]

Tilvísanir[breyta | breyta frumkóða]

  1. „Vilja ekki Barroso til Goldm­an Sachs". . (mbl.is). 13.7.2016.
  2. „Duglegur mannasættir". . (Morgunblaðið). 1. júlí 2004.


Fyrirrennari:
António Guterres
Forsætisráðherra Portúgals
(6. apríl 200217. júlí 2004)
Eftirmaður:
Pedro Santana Lopes
Fyrirrennari:
Romano Prodi
Forseti framkvæmdastjórnar Evrópusambandsins
(22. nóvember 200431. október 2014)
Eftirmaður:
Jean-Claude Juncker