Hildur Guðnadóttir

Úr Wikipediu, frjálsa alfræðiritinu
Jump to navigation Jump to search
Hildur Guðnadóttir
Hildur Guðnadóttir.jpg
Hildur Guðnadóttir árið 2007.
Fæðingarnafn Hildur Guðnadóttir
Fædd 4. september 1982 (1982-09-04) (37 ára)
Uppruni Íslensk
Hljóðfæri Selló og ásláttarhljóðfæri
Vefsíða https://www.hildurness.com

Hildur Ingveldardóttir Guðnadóttir (f. 4. september 1982) er íslenskt tónskáld og tónlistarmaður. Hildur ólst upp í Hafnarfirði[1] og er menntaður sellóleikari. Hún hefur spilað með hljómsveitunum Pan Sonic, Throbbing Gristle, Woofer, Rúnk, Múm og Stórsveit Nix Noltes. Hún hefur jafnframt leikið á tónleikum með Animal Collective og Sunn O))).

Ferill[breyta | breyta frumkóða]

1997 stofnaði Hildur ásamt vinum sínum úr Hafnarfirði sveitina Woofer sem tók þátt í Músíktilraunum það sama ár. Woofer komumst í úrslit en náðu ekki verðlaunasæti þrátt fyrir að vekja athygli. Í kjölfarið kom út þriggja laga smáskífan Táfýla. Haustið 1997 kom svo út eina stóra plata sveitarinnar sem bar sama nafn og hljómsveitin, Woofer.

Hildur stofnaði árið 2001 hljómsveitina Rúnk ásamt Svavari Pétri Eysteinssyni (Prins Póló), Benedikt Hermanni Hermannssyni (Benni Hemm Hemm), Birni Kristjánssyni (Borko) og Ólafi Birni Ólafssyni. Þá um jólin gaf sveitin út jólaplötuna Jólin eru og ári síðar plötuna Gengi Dahls sem naut talsverðra vinsælda. Sveitin kom að stofnun tónlistarhátíðarinnar Innipúkinn.

Árið 2006 gaf Hildur út sólóplötu undir titlinum Lost in Hildurness, sem var síðar endurútgefin með titlinum Mount A. Á plötunni spilaði Hildur sjálf á öll hljóðfærin og stjórnaði hljóðupptökunum.[2] Platan var tekin upp í New York-borg og á Hólum í Hjaltadal. Árið 2009 gaf hún út aðra sólóplötu sína, Without Sinking, hjá bresku tónlistarútgáfunni Touch Music.

Auk þess að spila á selló er Hildur einnig söngvari og kórstjóri. Hún hefur meðal annars stýrt kór á tónleikum Throbbing Gristle í Austurríki og London. Árið 2006 samdi Hildur undirleik fyrir leikritið Sumardag sem sýnt var í Þjóðleikhúsinu.[3] Hún hefur einnig samið tónlist fyrir dönsku kvikmyndina Kapringen (2012),[4][5] kvikmyndina Mary Magdalene (2018) (í samstarfi við Jóhann Jóhannsson),[6] Sicario: Day of the Soldado (2018) og sjónvarpsþáttaröðina Chernobyl (2019). Hún samdi einnig tónlistina fyrir kvikmyndina Joker árið 2019 og vann fyrir hana Premio Soundtrack Stars-verðlaunin á kvikmyndahátíðinni í Feneyjum sama ár.[7]

Í nóvember 2019 var Hildur tilnefnd til Grammy-verðlauna fyrir tónlist sína í Chernobyl.[8] Hún vann verðlaunin á Grammy-verðlaunahátíðinni þann 26. janúar 2020.[9]

Árið 2020 vann hún Golden Globe-verðlaun fyrir tónlist við kvikmyndina Joker og var fyrsta konan til að hljóta þessi verðlaun í 19 ár. [10] Þann 13. janúar sama ár var hún jafnframt tilnefnd til Óskarsverðlauna fyrir tónlistina úr myndinni. Hildur er sjöundi Íslendingurinn sem hefur hlotið tilnefningu til Óskarsverðlaunanna.[11] Hildur vann Óskarsverðlaunin fyrir bestu frumsömdu tónlistina og varð fyrsti Íslendingurinn til að vinna Óskarsverðlaun. Hildur er jafnframt fjórða konan frá upphafi sem hefur unnið Óskarsverðlaun fyrir frumsamda kvikmyndatónlist[12] en er fyrsta konan sem hlýtur þau ein.

Fjölskylda[breyta | breyta frumkóða]

Foreldrar Hildar eru Ingveldur Guðrún Ólafsdóttir óperusöngvari og Guðni Franzson tónskáld og klarinettuleikari. Eiginmaður Hildar er bandaríska tónskáldið Sam Slater. Hildur á einn son.[1] Föðuramma Hildar var Margrét Guðnadóttir (1929-2018) læknir og veirufræðingur og fyrsta konan sem skipuð var prófessor við Háskóla Íslands.

Útgefin verk[breyta | breyta frumkóða]

Hildur Guðnadóttir 2009 í London.

Sólóplötur[breyta | breyta frumkóða]

Samstarfsplötur[breyta | breyta frumkóða]

Kvikmyndatónlist[breyta | breyta frumkóða]

Ár Titill Leikstjóri Athugasemdir
2011 The Bleeding House Philip Gelatt Tónskáld
2012 Kapringen Tobias Lindholm
Astro: An Urban Fable in a Magical Rio de Janeiro Paula Trabulsi
2013 Jîn Reha Erdem
Prisoners Denis Villeneuve Einleikur á selló
2015 Sicario
The Revenant Alejandro G. Iñárritu
2016 Eiðurinn Baltasar Kormákur Tónskáld
Arrival Denis Villeneuve Einleikur á selló
2017 Tom of Finland Dome Karukoski Tónskáld ásamt Lasse Enersen
Journey's End Saul Dibb Tónskáld ásamt Natalie Holt
2018 Mary Magdalene Garth Davis Tónskáld ásamt Jóhanni Jóhannssyni
Percussions
Sicario: Day of the Soldado Stefano Sollima Tónskáld
2019 Joker Todd Phillips

Sjónvarpsefni[breyta | breyta frumkóða]

Ár Titill Framleiðandi Þættir Athugasemdir
2013 Graduates – Freedom Is Not For Free Hailstone Tónskáld
Heimildarmynd
2014 Så meget godt i vente Danish Documentary Production
Ming Of Harlem: Twenty One Storeys In The Air

2015-2018 Ófærð RÚV 20 Tónskáld ásamt Jóhanni Jóhannssyni & Rutger Hoedemaekers
2017 Strong Island Netflix Tónskáld
Heimildarmynd
The Departure Pandora Tónskáld, viðbótartónlist
Heimildarmynd
2018 Street Spirits V71 Tónskáld ásamt Eric Papky
Heimildarþættir
2019 Chernobyl HBO (í Bandaríkjunum)
Sky (á Bretlandi)
5 Tónskáld

Tilvísanir[breyta | breyta frumkóða]

  1. 1,0 1,1 Kristín Ólafsdóttir (6. janúar 2020) „Hollywood-tónskáldið úr Hafnarfirði“ Visir, (Sótt 27. janúar 2020)
  2. „Fékk plötu með eigin tónlist í afmælisgjöf“. Dagblaðið Vísir. 22. september 2006. Sótt 17. október 2019.
  3. „12 Tónar - Hildur Guðnadóttir“. Afrit af upprunalegu geymt þann 10. október 2007. Sótt 17. október 2019.
  4. „Musikpris 2014 - Hildur Guðnadóttir“. Afrit af upprunalegu geymt þann 15 June 2014. Sótt 29. september 2017.
  5. „Hildur Guðnadóttir - IMDb“. imdb.com. Sótt 4. nóvember 2015.
  6. „Johann Johannsson's Death Leaves Friends Shocked, Questions Unanswered“. Sótt 25. mars 2017.
  7. „Hildur Gudnadottir to Score Todd Phillips' 'Joker' Origin Movie“. Film Music Reporter. Sótt 20. september 2018.
  8. Kristín Ólafsdóttir (20. nóvember 2019). „Hildur tilnefnd til Grammy-verðlauna“. Vísir. Sótt 20. nóvember 2019.
  9. Sylvía Rut Sigfúsdóttir (27. janúar 2020). „Hildur ljómaði á Grammy hátíðinni“. Vísir. Sótt 27. janúar 2020.
  10. Lygileg sigurganga Hildar GuðnadótturRúv, skoðað 6. janúar, 2020
  11. Stefán Árni Pálsson (13. janúar 2020). „Hildur Guðnadóttir tilnefnd til Óskarsverðlauna“. Vísir. Sótt 13. janúar 2020.
  12. Kristín Ólafsdóttir (10. febrúar 2020). „Hildur Guðnadóttir vann Óskarsverðlaun“. Vísir. Sótt 10. febrúar 2020.
  13. Sigyn Jónsdóttir (15. júní 2012). „„Vil ekki rugla í rýminu““. Morgunblaðið. Sótt 10. febrúar 2020.
  14. natalie.mu. (Japanese) 1. desember 2009. http://natalie.mu/music/news/24571 Skoðað 5. janúar 2012.
  15. „Strong Island“. Yanceville Films, LLC. 2016. Sótt 25. mars 2018.