Fram (skip)

Úr Wikipediu, frjálsa alfræðiritinu
Fram
Skipið Fram siglir á milli ísfleka
Skipstjóri:
Útgerð:
Þyngd: 402 brúttótonn
Lengd: 38,9 m
Breidd: 10,36 m
Ristidýpt: 5 m
Vélar: 164 kW
Siglingahraði: 7 sjómílur
Tegund: Skonnorta
Bygging: Colin Archer, Larvik, Noregi

Fram er skip (þrímastra skonnorta með gufuvél), teiknað og smíðað af Colin Archer. Fridtjof Nansen notaði skipið þegar hann komst á Norðurpólinn 1895 og Roald Amundsen notaði það þegar hann kannaði Suðurskautslandið. Skipið var byggt til að þola harðan ágang ísins í kringum norður- og suðurpólinn, gert úr ítalskri eik og hafði næstum engan kjöl. Skrúfan og stýrið voru útbúin þeirri tækni að hægt var að draga þau inn í skrokk skipsins til að þau skemmdust ekki í ísnum.

Skipið er nú varðveitt í Fram safninu í Osló.

Ferðir[breyta | breyta frumkóða]

Fridtjof Nansen fyrir framan Fram á leiðinni á Norðurpólinn

Að norðurpólnum[breyta | breyta frumkóða]

Nansen lét skipið frjósa fast í ísnum við Svalbarða þegar hann var á leið sinni á Norðurpólinn og gekk á skíðum þaðan áleiðis að pólnum þótt hann kæmist ekki norðar en á rúmlega 86. breiddargráðu. Skipið færðist með hafstraumi og þegar ísa leysti sigldu skipverjar til Norður-Noregs. Þangað komu Nansen og Hjalmar Johansen sem gekk með honum.

Kortagerð með Sverdrup[breyta | breyta frumkóða]

1898 fór Otto Sverdrup ásamt áhöfn á Fram til eyjanna norður af Kanada til að kortleggja þær og skoða gróðurfar, dýr, jarðfræði og hafdýpi í kringum þær. Fyrir þessa ferð var skipinu breytt til að auka við plássið uppi á dekki.

Leitin að suðurpólnum[breyta | breyta frumkóða]

Roald Amundsen ákvað að nota Fram til ferðar sinnar til suðurpólsins. Amundsen komst á suðurpólinn 14. desember 1911 eftir kapphlaup við bretann Robert Scott, sem einnig þráði að komast fyrstur á pólinn. Scott hafði einnig keppst við að komast á norðurpólinn á undan Nansen, en heppnaðist hvorki þá né við suðurskautið.

Tenglar[breyta | breyta frumkóða]