Fornleifar

Víðimýrarkirkja í Skagafirði

Fornleifar eru allt það sem varðveist hefur frá gamalli tíð, meðal annars leifar fornra mannvirkja og annarra staðbundinna minja sem menn hafa gert eða mannaverk eru á en einnig hvers kyns manngerðir hlutir og verkfæri og átrúnaðarstaðir. Samkvæmt íslenskum lögum eru fornleifar eldri en 100 ára .

Gerðir fornleifa

Fornleifar geta meðal annars verið byggðaleifar, bæjarstæði, húsaleifar hvers kyns, svo sem kirkna, bænahúsa, klaustra og búða, leifar af verbúðum, naustum, verslunarstöðum og byggðaleifar í hellum; einnig vinnustaðir þar sem aflað var fanga, sel, verstöðvar, ból, mógrafir, kolagrafir, gömul tún- og akurgerði, áveitumannvirki og leifar eftir veiðar til sjávar og sveita, gamlir vegir, stíflur, brýr, vöð, varir, hafnir og bátalægi, slippir, ferjustaðir, kláfar, vörður og vitar og önnur vega- og siglingamerki ásamt kennileitum þeirra; varnarmannvirki; þingstaðir, hörgar, hof og vé, brunnar, uppsprettur, álagablettir og aðrir staðir og kennileiti sem tengjast siðum, venjum, þjóðtrú eða þjóðsagnahefð; áletranir, greftrunarstaðir og skipsflök.

Fornleifar eru ekki aðeins öll forn mannvirki heldur einnig staðir sem á einn eða annan hátt tengjast menningu og atvinnuvegum.

Heimild

• Þjóðminjalög

Tengt efni

• Fornleifafræði
• Fornminjar í Reykholti í Borgarfirði

Tenglar

• „Hvað eru fornleifar?“. Vísindavefurinn.
• „Hvernig vita fornleifafræðingar hvar þeir eiga að grafa þegar þeir leita að fornleifum?“. Vísindavefurinn.
• „Hvaða aðferðir nota fornleifafræðingar við að tímasetja fornleifar?“. Vísindavefurinn.

  Þessi menningargrein er stubbur. Þú getur hjálpað til með því að bæta við greinina.