Fornleifar

Úr Wikipediu, frjálsa alfræðiritinu
Víðimýrarkirkja í Skagafirði

Fornleifar eru allt það sem varðveist hefur frá gamalli tíð,[1] meðal annars leifar fornra mannvirkja og annarra staðbundinna minja sem menn hafa gert eða mannaverk eru á en einnig hvers kyns manngerðir hlutir og verkfæri og átrúnaðarstaðir. Samkvæmt íslenskum lögum eru fornleifar eldri en 100 ára .[2]

Gerðir fornleifa[breyta | breyta frumkóða]

Fornleifar geta meðal annars verið byggðaleifar, bæjarstæði, húsaleifar hvers kyns, svo sem kirkna, bænahúsa, klaustra og búða, leifar af verbúðum, naustum, verslunarstöðum og byggðaleifar í hellum; einnig vinnustaðir þar sem aflað var fanga, sel, verstöðvar, ból, mógrafir, kolagrafir, gömul tún- og akurgerði, áveitumannvirki og leifar eftir veiðar til sjávar og sveita, gamlir vegir, stíflur, brýr, vöð, varir, hafnir og bátalægi, slippir, ferjustaðir, kláfar, vörður og vitar og önnur vega- og siglingamerki ásamt kennileitum þeirra; varnarmannvirki; þingstaðir, hörgar, hof og , brunnar, uppsprettur, álagablettir og aðrir staðir og kennileiti sem tengjast siðum, venjum, þjóðtrú eða þjóðsagnahefð; áletranir, greftrunarstaðir og skipsflök.

Fornleifar eru ekki aðeins öll forn mannvirki heldur einnig staðir sem á einn eða annan hátt tengjast menningu og atvinnuvegum.

Tilvísanir[breyta | breyta frumkóða]

  1. Orri Vésteinsson. „Hvað eru fornleifar?“. Vísindavefurinn 28.12.2009. http://visindavefur.is/?id=28898. (Skoðað 28.12.2009).
  2. Orri Vésteinsson. „Hvað eru fornleifar?“. Vísindavefurinn 28.12.2009. http://visindavefur.is/?id=28898. (Skoðað 28.12.2009).

Heimild[breyta | breyta frumkóða]

Tengt efni[breyta | breyta frumkóða]

Tenglar[breyta | breyta frumkóða]

  • „Hvað eru fornleifar?“. Vísindavefurinn.
  • „Hvernig vita fornleifafræðingar hvar þeir eiga að grafa þegar þeir leita að fornleifum?“. Vísindavefurinn.
  • „Hvaða aðferðir nota fornleifafræðingar við að tímasetja fornleifar?“. Vísindavefurinn.
  Þessi menningargrein er stubbur. Þú getur hjálpað til með því að bæta við greinina.