Verufræði

Úr Wikipediu, frjálsa alfræðiritinu
Jump to navigation Jump to search

Verufræði er undirgrein frumspekinnar sem fjallar um veru sem veru, um það að vera eða vera til sem slíkt. Hún reynir að varpa ljósi á það í hvaða skilningi eitthvað er eða getur verið eitthvað og hverjar séu helstu tegundir verunda sem til eru. Ef til vill mætti segja að verufræði rannsaki „veruleikann“.

Nokkrar grundvallarspurningar[breyta | breyta frumkóða]

Grundvallarspurning verufræðinnar er „Hvað er til?“ eða „Af hvaða tagi er það sem er til?“ Heimspekingar hafa svarað spurningunni á ýmsa og ólíka vegu.

Nokkrar frekar spurningar eru síðan:

  • Hvað er það að vera til?
  • Af hverju er eitthvað til frekar en ekkert?
  • Er hægt að gera grein fyrir því hvað það merkir að segja að efnislegir hlutir séu til?
  • Hvað er hlutur?
  • Í hverju er samsemd hlutar fólgin?
  • Hver er munurinn á breytingum annars vegar og tilurð og eyðingu hins vegar? Hvenær má segja að eitthvað hafi orðið til eða hætt að vera til frekar en að segja að það hafi breyst?
  • Er tilvist eiginleiki hlutar?
  • Hvað eru eiginleikar hluta og hvernig tengjast þeir hlutunum sjálfum?
  • Hvaða einkenni hlutar eru eðliseinkenni hans og hver eru tilfallandi einkenni hans?
  • Eru eiginleikar til í sama skilningi og hlutirnir?
  • Eru óefnislegir hlutir til?
  • Eru sálir til?
  • Eru staðreyndir til?
  • Eru tengsl eða vensl til?

Mikilvægir verufræðingar[breyta | breyta frumkóða]

Tenglar[breyta | breyta frumkóða]

  Þessi heimspekigrein er stubbur. Þú getur hjálpað til með því að bæta við greinina.