Transnistría

Република Молдовеняскэ Нистрянэ Приднестрóвская Молдáвская Респýблика Придністровська Молдавська Республіка
Fáni	Skjaldarmerki
Kjörorð: „ekkert“
Þjóðsöngur: Мы славим тебя, Приднестровье (rússneska: „Við syngjum lof Transnistríu“)
Höfuðborg	Tíraspol
Opinbert tungumál	rússneska, moldóvska, úkraínska
Stjórnarfar Forseti Forsætisráðherra	Lýðveldi Jevgení Sjevtsjuk Tetjana Turansjka
De facto sjálfstætt ríki
- Sjálfstæðisyfirlýsing	2. september 1990
- Transnistríustríðið	2. mars-21. júlí 1992
Flatarmál  - Samtals  - Vatn (%)	*. sæti 4.163 km² 2,35
Mannfjöldi  - Samtals (2013)  - Þéttleiki byggðar	*. sæti 509.439 124,6/km²
VLF (KMJ) - Samtals - á mann	áætl. 2007 0,799 millj. dala (*. sæti) 1500 dalir (*. sæti)
Gjaldmiðill	transnistrísk rúbla
Tímabelti	UTC+2 (+3)
Þjóðarlén	.*
Landsnúmer	373

Transnistría (líka kallað Trans-Dniester, Transdniestria og Pridnestrovie) er de facto sjálfstætt lýðveldi innan landamæra Moldóvu þar sem það hefur stöðu sjálfstjórnarhéraðs með sérstaka lagalega stöðu. Eftir hrun Sovétríkjanna lýsti Transnistría yfir sjálfstæði sem leiddi til styrjaldar við stjórn Moldóvu sem hófst í mars 1992 og lauk með vopnahléi í júlí sama ár. Átökin stöfuðu af andstöðu við þjóðernissinnaða stjórn hinnar nýfrjálsu Moldóvu og aðgerðir hennar gegn slavneskumælandi minnihlutahópum í landinu. Þótt vopnahléið hafi haldið er lagaleg staða svæðisins enn óútkljáð.

Transnistría er á mjórri landræmu milli árinnar Dnjestr og landamæra Úkraínu í austri. Landið nær líka yfir borgina Bender á vesturbakka árinnar. Nafn landsins merkir „handan Dnjestr“. Höfuðstaður Transnistríu er Tíraspol.

Transnistría er oft nefnd ásamt Nagornó-Karabak, Abkasíu og Suður-Ossetíu sem dæmi um frosin átök innan fyrrum Sovétlýðvelda. Ekkert þessara ríkja á aðild að Sameinuðu þjóðunum en þau hafa formlega viðurkennt sjálfstæði hvers annars. Rússneskar herdeildir hafa verið í Transnistríu frá því á Sovéttímanum og því lítur Evrópusambandið svo á að landið sé í raun undir yfirráðum eða í það minnsta undir miklum áhrifum frá Rússlandi.

Stjórnsýsluskipting

Transnistría skiptist í fimm umdæmi: Camenca (Кáменка, Kamenka) Rîbnița (Рыбница, Ribnitsa) Dubăsari (Дубоссáры, Dubossarí) Grigoriopol (Григориóполь, Grígoríopol) Slobozia (Слободзéя, Slobodseja)

og eitt sveitarfélag: Tíraspol

Að auki er borgin Bender á vesturbakka Dnjestr undir stjórn Transnistríu, þótt ríkisstjórn Moldóvu telji hana ekki til sjálfstjórnarhéraðsins Transnistríu.

  Þessi landafræðigrein er stubbur. Þú getur hjálpað til með því að bæta við greinina.