Sólveig Anna Jónsdóttir

Úr Wikipediu, frjálsa alfræðiritinu
Jump to navigation Jump to search

Sólveig Anna Jónsdóttir (f. 1975) er formaður Eflingar, íslensk verkakona og aðgerðasinni. Hún var formaður íslandsdeildar Attac-samtakanna og einn hinna svokölluðu nímenninga sem ákærðir voru vegna mótmæla í Alþingishúsinu 8. desember 2008 í tengslum við búsáhaldabyltinguna. Sólveig starfaði sem ómenntaður leikskólastarfsmaður hjá Reykjavíkurborg þar til hún var kjörin formaður Eflingar 2018.

Framboð til formanns stjórnar stéttarfélagsins Eflingar[breyta | breyta frumkóða]

Sólveig tilkynnti þann 29. janúar 2018 um framboð sitt til formanns stéttarfélagsins Eflingar ásamt nýrri stjórn undir nafninu B-listinn[1] gegn frambjóðanda uppstillingarnefndar, Ingvari Vigur Halldórssyni.[2] Fráfarandi formaður Sigurður Bessason bauð sig ekki fram til endurkjörs eftir að hafa gengt formensku í um tvo áratugi.[3] Var þetta í fyrsta skipti í tuttugu ára sögu Eflingar þar sem kosið var um formann.[4] Fram að því hafði verið sjálfkjörið í stjórn félagsins þar sem aldrei hafði áður komið fram mótframboð. Í kosningunum var Sólveig Anna kosinn nýr formaður með um 80% atkvæðum og hlaut B-listinn 7 af 15 stjórnarmönnum að auki.[5]

Fjölskylda[breyta | breyta frumkóða]

Sólveig er dóttir útvarpsþulanna fyrrverandi Jóns Múla Árnasonar og Ragnheiðar Ástu Pétursdóttur. Hún er gift Magnúsi Sveini Helgasyni sagnfræðingi.

Tilvísanir[breyta | breyta frumkóða]

  1. „Gefur forystunni falleinkunn". . (ruv.is). Skoðað 30. janúar2018.
  2. „Hver er Ingvar Vigur Halldórsson?". . (Efling stéttarfélag). Skoðað 30. janúar2018.
  3. „Ný forysta í stjórn Eflingar". . (Efling stéttarfélag). Skoðað 30. janúar2018.
  4. „Sólveig og Ingvar í formannskjöri Eflingar". . (ruv.is). Skoðað 30. janúar2018.
  5. „Sólveig Anna nýr formaður Eflingar". . (ruv.is). Skoðað 3. maí2018.