Drífa Snædal

Úr Wikipediu, frjálsa alfræðiritinu
Jump to navigation Jump to search

Drífa Snædal (f. 5. júní 1973[1]) er íslenskur verkalýðsleiðtogi og stjórnmálamaður. Hún er núverandi forseti Alþýðusambands Íslands.

Drífa fæddist í Reykjavík en ólst upp á Hellu frá fjögurra ára aldri og í Lundi í Svíþjóð frá sex til ellefu ára aldurs. Árið 1993 lauk hún stúdentsprófi frá félagsfræðibraut Fjölbrautaskólans í Breiðholti. Hún útskrifaðist sem tækniteiknari frá Iðnskólanum í Reykjavík árið 1998, úr Háskóla Íslands með viðskiptafræðipróf árið 2003 og með meistaragráðu í vinnumarkaðsfræði með áherslu á vinnurétt frá Háskólanum í Lundi árið 2012.[2]

Drífa varð fræðslu- og kynningarstýra hjá Samtökum um kvennaathvarf árið 2003 og var framkvæmdastýra samtakanna frá 2004 til 2006. Hún starfaði sem framkvæmdastýra Vistrihreyfingarinnar – græns framboð frá 2006 til 2010. Árið 2012 varð hún framkvæmdastjóri Starfsgreinasambands Íslands.[2]

Drífa sagði sig úr Vinstri grænum árið 2017 til að mótmæla stjórnarsamstarfi þeirra með Sjálfstæðisflokknum og Framsóknarflokknum.[3] Hún var kjörin forseti ASÍ þann 26. október árið 2018, fyrst kvenna.[4] Hún tók þátt í samningaviðræðum um nýja kjarasamninga sem voru undirritaðir í apríl 2019.[5]

Tilvísanir[breyta | breyta frumkóða]

  1. „Drífa Snædal“. Alþingi. Sótt 6. apríl 2019.
  2. 2,0 2,1 „Í baráttunni um kjaramál og kvenréttindi“. mbl.is. 5. júní 2013. Sótt 6. apríl 2019.
  3. Sylvía Rut Sigfúsdóttir (16. nóvember 2017). „Drífa hættir í VG og segir ríkisstjórnarsamstarfið við Sjálfstæðisflokk verða „eins og að éta skít““. Vísir. Sótt 6. apríl 2019.
  4. „Drífa Snæ­dal kjör­in for­seti ASÍ“. mbl.is. 26. október 2018. Sótt 6. apríl 2019.
  5. „Vopnahlé í stéttastríði“. Kjarninn. 6. apríl 2019. Sótt 6. apríl 2019.