Nykruætt

	; Potamogeton perfoliatus
Vísindaleg flokkun
Ríki:	Jurtaríki (Plantae);
Fylking:	Dulfrævingar (Magnoliophyta);
Flokkur:	Einkímblöðungar (Liliopsida);
Ættbálkur:	Kransjurtabálkur (Alismatales);
Ætt:	Nykruætt (Potamogetonaceae); Rchb.
Ættkvíslir
	Althenia (2-8 teg.); Groenlandia (ein teg.); Lepilaena (6 teg, stundum talin undir Althiena); Potamogeton (um 100 teg.); Stuckenia (10-36 teg.); Zannichellia (6-9 teg.);

Nykruætt (fræðiheiti Potamogetonaceae) er ætt fjölæra vatnajurta. Sumar vaxa alveg í kafi en sumar að nokkru leyti. Blöð sem fljóta á vatni (flotblöðin) eru frábrugðin þeim sem eru á kafi. Blómin er smá, oftast í axi. Það eru um 110 tegundir sem deilast á yfir sex ættkvíslir. Stærsta ættkvíslin er nykrur (Potamogeton) innan hennar eru um 100 tegundir.

Nykrur eru mikilvæg fæða og búsvæði fyrir ýmis vatnadýr.

Tegundir af nykruætt sem finnast á Íslandi

Potamogeton alpinus Balbis — Fjallnykra
Potamogeton berchtoldii Fieber — Smánykra
Potamogeton compressus — Sverðnykra
Potamogeton gramineus L. — Grasnykra
Potamogeton natans L. — Blöðkunykra
Potamogeton perfoliatus L. — Hjartanykra
Potamogeton praelongus Wulfen — Langnykra

Áður töldust jurtir af ættkvíslunum Zostera og Ruppia til Til nykruættar (Potamogetonaceae) en þær teljast nú eigin ættir, Zosteraceae og Ruppiaceae. Þannig teljast vogajurt (Ruppia cirrhosa) og lónajurt(Ruppia maritima) núna til hnotsörvaættar (Ruppiaaceae).^[2]