Miðherji (körfuknattleikur)

Úr Wikipediu, frjálsa alfræðiritinu
Leikstöður í körfuknattleik
  Leikstjórnandi
Skotbakvörður
Lítill framherji
Kraftframherji
Miðherji

Miðherji (center) er ein af fimm grundvallarstöðum í körfuknattleik eins og við þekkjum hann í dag. Miðherjar eru oftast hæstu og þyngstu leikmenn hvers liðs þó að mikilvægt sé að þeir hafi góðan stökkkraft. Miðherjinn er sá leikmaður í hverju liði sem spilar næst körfunni, en hlutverk hans felst aðallega í því að taka fráköst og sniðskot (lay-up) þegar lið hans er í sókn og að gæta þess að knötturinn komist ekki framhjá honum og ofan í körfuna í vörn. Einn af stórum kostum í fari góðs miðherja er að geta snúið sér fljótt að körfunni eftir sendingu og skorað úr sniðskoti.

Meðal þekktustu miðherja heims í dag má nefna Joel Embiid, Andre Drummond, DeMarcus Cousins, Al Horford og Pau Gasol. Meðal þekktra miðherja fyrri tíma eru Bill Russell, Wilt Chamberlain, Bill Walton, Kareem Abdul-Jabbar, Dave Cowens, David Robinson, Arvydas Sabonis, Hakeem Olajuwon, Patrick Ewing, Yao Ming og Shaquille O'Neal

Af íslenskum miðherjum má nefna Pétur Guðmundsson, Guðmund Bragason, Einar Bollason og Friðrik Stefánsson.