Lvív

Úr Wikipediu, frjálsa alfræðiritinu
Lvív
Coat of arms of Lviv.svg
Lvív is located in Úkraína
Lvív
Land Úkraína
Íbúafjöldi 718.000 (2021)
Flatarmál 192,01 km²
Póstnúmer 79000
Markaðstorgið í Lviv.

Lvív (úkraínska: Львів, Ľviv, pólska: Lwów, þýska: Lemberg, rússneska: Львов, Ľvov, latína: Leopolis) er borg í vesturhluta Úkraínu. Hún er sjöunda stærsta borg landsins með um 718.000 íbúa (2021). Lvív er stærsta borg vestur Úkraínu. Borgin var höfuðborg konungsríkisins Galisía-Volhynía sem varð til við hrun Garðaríkis á miðöldum. Síðar var hún höfuðborg Rúþeníu innan Pólsk-litháíska samveldisins. Eftir uppskiptingu fengu Habsborgarar landið í sinn hlut og gerðu Lvív, sem nú hét Lemberg, að höfuðborg Konungsríkisins Galisíu af Austurríska-Ungverska keisaradæminu frá 1772-1918. Á millistríðsárunum tilheyrði borgin Öðru pólska lýðveldinu en eftir stríð varð hún hluti af Sovétríkjunum innan Sovétlýðveldisins Úkraínu.

Árið 2022 fór þar í gegn fjöldi flóttamanna, aðallega á leið til Póllands, vegna innrásar Rússa í Úkraínu. Rússar gerðu loftárásir á borgina og nágrenni hennar.

Borgin er sögulega höfuðstaður héraðsins Galisíu. Hún slapp að mestu við eyðileggingu í Síðari heimsstyrjöld. Miðborgin er á heimsminjaskrá UNESCO. Í borginni eru Háskólinn í Lviv (stofnaður 1661), Tækniskólinn í Lviv og Óperu- og balletthúsið í Lviv.

  Þessi landafræðigrein er stubbur. Þú getur hjálpað til með því að bæta við greinina.