Síminn

Úr Wikipediu, frjálsa alfræðiritinu
(Endurbeint frá Landssími Íslands)
Jump to navigation Jump to search
Síminn hf.
Merki Símans
Rekstrarform Hlutafélag
Slagorð Þú getur meira með Símanum
Stofnað Upprunalega 1906 (sameinað úr Landssíma Íslands, Íslenska sjónvarpsfélaginu og Skipti árið 2005)
Staðsetning Ármúli 25
108 Reykjavík
Lykilmenn Jón Sigurðsson,
stjórnarformaður
Orri Hauksson,
forstjóri
Starfsemi Fjarskipti
Vefsíða siminn.is

Síminn er íslenskt símafyrirtæki í einkaeigu. Fyrirtækið var í ríkiseigu, hét áður Landssími Íslands og var stofnað árið 1906. Landsíminn var í fyrstu í gamla barnaskólanum í Reykjavík á horni Pósthússtrætis og Hafnarstrætis. Fyrsti yfirmaður Landssímans var Norðmaðurinn Olav Forberg en hann hafði stjórnað lagningu símalína um landið. Fyrstu menntuðu íslensku símamennirnir voru símritarar sem höfðu verið í námi hjá Mikla norræna ritsímafélaginu í Kaupmannahöfn.

Landssími Íslands var stofnaður sama ár og sæsímastrengur fyrir ritsíma var lagður frá Skotlandi um Færeyjar til Íslands og kom hann á land á Seyðisfirði. Skeyta- og talsími var lagður frá Seyðisfirði um Akureyri og til Reykjavíkur.

Árið 1935 var síma- og póstþjónustan sameinuð í eitt fyrirtæki, Póstur & sími, en árið 1998 var Landssími Íslands hf stofnaður. Haustið 2005 seldi Ríkisstjórn Íslands 98,8% eignarhlut sinn í Landssíma Íslands til Skipta ehf.

15. október 2015 var Síminn formlega skráður á aðalmarkað Nasdaq Iceland.

Gagnrýni[breyta | breyta frumkóða]

Töluverð gagnrýni hefur beinst að Símanum í gegnum árin. Meðal annars má telja greinar eins og Hörð gagnrýni á stjórnun Landssímans í viðskiptablaði Morgunblaðsins eftir Hrein Loftsson og Hneyksli skekja Símann; grein í Fréttablaðinu 05.06.2003.

Persónuvernd kærði Símann í janúar 2011 vegna alvarlegra brota á lögum um persónuvernd. Síminn hefur viðurkennt brot sín og sagðist harma þau.[1]

Tilvísanir[breyta | breyta frumkóða]

Heimildir[breyta | breyta frumkóða]

Tenglar[breyta | breyta frumkóða]

Síminn í fjölmiðlum