Pósthússtræti

Úr Wikipediu, frjálsa alfræðiritinu
Stökkva á: flakk, leita
Mannlíf á Pósthússtræti árið 1910.

Pósthússtræti er gata í miðbæ Reykjavíkur sem teygir sig frá Kirkjustræti til suðurs að Geirsgötu til norðurs. Pósthússtrætið tekur nafn sitt af Pósthúsinu sem stendur á horni kenningargötu sinnar og Austurstrætis.

Upphaflega átti Pósthússtræti ekki að lokast heldur smásveigja yfir í Lækjargötu og Kirkjustræti framlengjast að sömu götu. Knud Zimsen, fyrrverandi borgarstjóri, segir frá því bók sinni Úr bæ í borg, sem Lúðvik Kristjánsson skráði, að þar kom til persónuleg ítök einstakra manna sem réðu því að brugðið var frá skipulagi. Það voru þeir Jón Þorláksson og Eggert Claessen sem fengu bæjarstjórn til að falla frá áformum sínum. Knud segir svo frá:

Gæsalappir
[V]ar ástæðan engin önnur en sú, að Claessen hafði þá í hyggju að reisa hús það á Jónassens-lóðinni, sem enn stendur og er nr. 17 við Pósthússtræti. Þar var skrúðgarður, sem Jónassen landlæknir hafði ræktað. Hann hefði orðið að skerða, ef farið hefði verið eftir hinu nýja skipulagi. Slíkt nægði til að koma í veg fyrir þá breytingu sem ég vildi gera á gatnaskipaninni. Við það varð sú lögun Pósthússtrætis og Kirkjustrætis, sem enn er.
Gæsalappir
 
— Úr bæ í borg, nokkrar endurminningar Knud Zimsens fyrrverandi borgarstjóra um þróun Reykjavíkur.[1]

Tilvísanir[breyta | breyta frumkóða]

  1. Úr bæ í borg, nokkrar endurminningar Knud Zimsens fyrrverandi borgarstjóra um þróun Reykjavíkur. Lúðvík Kristjánsson færði í letur. Helgafell, 1952 - bls. 38

Tengill[breyta | breyta frumkóða]

  Þessi Reykjavíkurgrein er stubbur. Þú getur hjálpað til með því að bæta við greinina.