Smárakirkja

Úr Wikipediu, frjálsa alfræðiritinu
(Endurbeint frá Krossinn)
Jump to navigation Jump to search

Smárakirkja (hét áður Krossinn) er íslenskt trúfélag. Kirkjan er til húsa að Hlíðasmára í Kópavogi. Smárakirkja tilheyrir hvítasunnusöfnuðinum, nýlegri útgáfa af mótmælendatrúnni sem leggur áherslu á persónulegt samband við guð. Forstöðumaður kirkjunnar er Sigurbjörg Gunnarsdóttir, en hún tók við af föður sínum Gunnari Þorsteinssyni árið 2010.[1]

Saga Smárakirkju[breyta | breyta frumkóða]

Trúfélagið Krossinn var stofnað árið 1979, en fékk löggildingu trúfélags árið 1982. Söfnuðurinn hefur alla tíð komið saman í Kópavogi. Fyrst um sinn var hann staðsettur í Auðbrekku 34 en er nú staðsettur í Hlíðasmára 5-7 í Kópavogi. Rætur Krossins liggja í Hvítasunnukirkjunni, en fyrsti forstöðumaður Krossins, Gunnar Þorsteinsson tilheyrði þeim söfnuði áður en Krossinn var stofnaður. Árið 2010 tók Sigurbjörg dóttir hans við starfinu og var nafninu breytt í Smárakirkju þann 3. júní 2014.

Starfsemi[breyta | breyta frumkóða]

Almennar safnaðarsamkomur eru haldnar tvisvar á viku; á sunnudögum kl. 16:30 og á þriðjudögum kl. 20:00. Að auki eru reglulegar bænastundir á miðvikudögum kl. 19:30.[2]

Á samkomum spilar hljómsveit blöndu af gospel, rokki og rólegri lögum. Í safnaðarheimilinu er rekin lítil verslun með kristilegar bækur og geisladiska, auk kaffisölu.

Heimildir[breyta | breyta frumkóða]

  1. „Yfirlýsing frá Krossinum“. Krossinn lifandi kirkja. Sótt 01-01-2012.
  2. „Samkomur“. Krossinn lifandi kirkja. Sótt 01-01-2012.

Tenglar[breyta | breyta frumkóða]