Frumspekin

Frumspekin (gr., ta meta ta fysika, lat. Metaphysica) er eitt af meginritum forngríska heimspekingsins Aristótelesar. Verkið er fremur sundurlaust safn ritgerða í 14 bókum, sem var fyrst safnað saman og steypt í eina heild á 1. öld f.Kr. af Andróníkosi frá Ródos, sem ritstýrði útgáfu á verkum Aristótelesar. Ritgerðirnar fjalla allar um frumspeki (sem Aristóteles nefndi hina fyrstu heimspeki (gr. he prote filosofia) eða guðfræði (gr. þeologia)) en titill verksins er kominn til vegna þess að í útgáfu Andróníkosar voru bækurnar um frumspekina á eftir bókunum um eðlisfræðina (gr. ta fysika).

Meginviðfangsefni Frumspekinnar er „vera sem vera“ eða „vera sem slík“. Hún er rannsókn á því hvað það er að vera, hvað það er sem er og hvað er hægt að segja um það sem er í ljósi þess að það er, en ekki í ljósi einhvers annars. Í Frumspekinni fjallar Aristóteles einnig um ólíkar tegundir orsaka, form og efni og guð eða frumhreyfilinn.

Útgáfur

Útgáfur textans og skýringarrit

Aristotle, Aristotelis Metaphysica. W. Jaeger (ritstj.) (Oxford: Clarendon Press, 1957).
Aristotle, Metaphysics: A Revised Text with Introduction and Commentary, í tveimur bindum. W.D. Ross (ritstj.) (Oxford: Clarendon Press, 1924).

Þýðingar

Aristotle, The Metaphysics.Hugh Lawson-Tancred (þýð.) (London: Penguin Books, 1998).
Aristotle, Aristotle XVII: Metaphysics Books I-IX. Hugh Tredennick (þýð.) (Cambridge, Mass.: Harvard University Press, 1933).
Aristotle, Aristotle XVIII: Metaphysics Books X-XIV, Oeconomica, Magna Moralia Hugh Tredennick og C. Cyril Armstrong (þýð.) (Cambridge, Mass.: Harvard University Press, 1935).
Aristóteles, Frumspekin I. Svavar Hrafn Svavarsson (þýð.) (Reykjavík: Hið íslenska bókmenntafélag, 1999).

Tenglar

Stanford Encyclopedia of Philosophy: „Aristotle's Metaphysics“

Þessi fornfræðigrein er stubbur. Þú getur hjálpað til með því að bæta við greinina.