Ásatrú
Ásatrú er orð sem algengt er að nota yfir endurvakningu norrænnar trúar í samtímanum. Ásatrú kom fram á Íslandi, í Kanada og Bandaríkjunum, á 8. áratug 20. aldar, sem hluti af vaxandi áhuga á heiðni. Else Christensen stofnaði Odinist Fellowship undir áhrifum frá öfgaþjóðernishyggju og stjórnleysisstefnu í Bandaríkjunum árið 1969.[1] Árið 1972 stofnaði svo Sveinbjörn Beinteinsson Ásatrúarfélagið á Íslandi, sem var af allt öðrum meiði, og undir meiri áhrifum frá nýaldarhreyfingunni og íslenskri alþýðutrú.[2] Svipaðar hreyfingar voru stofnaðar í Svíþjóð á 8. áratugnum og Noregi á 9. áratugnum, en misjafnt er hvort þær leggja áherslu á kynþáttahyggju eða hafna henni alveg.
Orðið er þýðing á orðinu Asetro, nýyrði sem varð til í rómantísku þjóðernisvakningunni á nítjándu öld. Var fyrst notað af Edvard Grieg árið 1870 í óperu sinni um Ólaf Tryggvason. Ekki er vitað hvort fornnorrænir menn höfðu eitthvert sameiginlegt heiti yfir trúarbrögð sín. Í fornsögum er greint frá því að menn hafi blótað, dýrkað eða heitið á þetta eða hitt goðið, svo og hina ýmsu vætti, en ekkert eitt heiti var til yfir þessa trú. Það var ekki fyrr en með tilkomu kristinnar trúar að menn fóru að greina hin fornu trúarbrögð frá nýju trúnni. Var þá gjarnan talað um hinn forna sið og hinn nýja sið til aðgreiningar, en einnig voru hin fornu trúarbrögð nefnd heiðni.
Tilvísanir
[breyta | breyta frumkóða]- ↑ Gardell, Matthias (2003). Gods of the Blood: The Pagan Revival and White Separatism. Durham and London: Duke University Press. ISBN 978-0-8223-3071-4.
- ↑ Strmiska, Michael F.; Sigurvinsson, Baldur A. (2005). „Asatru: Nordic Paganism in Iceland and America“. Í Strmiska, Michael F. (ritstjóri). Modern Paganism in World Cultures. Santa Barbara, California. bls. 127–179. ISBN 978-1-85109-608-4.
