Barbados

Úr Wikipediu, frjálsa alfræðiritinu
Stökkva á: flakk, leita
Barbados
Fáni Barbados Skjaldamerki Barbados
(Fáni Barbados) (Skjaldarmerki Barbados)
Kjörorð: Pride and Industry
(enska: Stolt og iðni)
Þjóðsöngur: In Plenty and In Time of Need
Staðsetning Barbados
Höfuðborg Bridgetown
Opinbert tungumál enska
Stjórnarfar Þingbundin konungsstjórn
Elísabet 2.
sir Elliott Belgrave
Freundel Stuart
Flatarmál
 • Samtals
 • Vatn (%)
200. sæti
432 km²
~0
Mannfjöldi
 • Samtals (2010)
 • Þéttleiki byggðar
171. sæti
277.821
660/km²
VLF (KMJ)
 • Samtals
 • á mann
áætl. 2012
7,1 millj. dala (170. sæti)
25.372 dalir (40. sæti)
Gjaldmiðill barbadosdalur (BBD)
Tímabelti UTC-4
Þjóðarlén .bb
Landsnúmer 1-246

Barbados er eyríki í Vestur-Atlantshafi. Eyjan er um 100 km austan við Kulborðseyjar sem eru syðri hluti Litlu-Antillaeyja. Næstu nágrannaríki eru Sankti Vinsent og Grenadíneyjar og Sankti Lúsía í vesturátt. Barbados er 434,5 km norðaustur af strönd Venesúela. Eyjan er 430 km² að flatarmáli og er aðallega mynduð úr kóral og kalksteini. Hún er láglend en nokkuð hæðótt inni við miðju. Staðvindar eru ríkjandi.

Eyjan var byggð aravakindíánum þegar spænskir siglingamenn uppgötvuðu hana seint á 15. öld. Hún birtist fyrst á spænsku landakorti árið 1511. Portúgalir sigldu til eyjarinnar 1536 en létu nægja að sleppa þar svínum sem hægt væri að nota sem vistir síðar. Englendingar komu til eyjarinnar 1626 og eignuðu sér hana. Fyrstu ensku landnemarnir komu þangað 1627. Afrískir þrælar voru fluttir inn til að vinna á sykurplantekrum. Þeir fengu frelsi árið 1834. Árið 1958 varð Barbados eitt af þeim tíu löndum sem mynduðu Sambandsríki Vestur-Indía. Eftir að sambandið leystist upp varð Barbados aftur heimastjórnarnýlenda en árið 1966 samdi heimastjórnin um fullt sjálfstæði. Barbados er í Breska samveldinu.

Íbúar Barbados eru tæplega 300 þúsund. Nær 90% eru af blönduðum afrískum og karabískum uppruna. Enska er opinbert tungumál en flestir íbúa tala bajan sem er kreólamál byggt á ensku. 95% íbúa eru kristnir og þar af eru 40% í ensku biskupakirkjunni sem var ríkistrú landsins fram að sjálfstæði. Barbados er eitt af þeim löndum þar sem lífskjör eru hvað best í heiminum. Eyjan er vinsæll ferðamannastaður.

Stjórnsýsluskipting[breyta]

Barbados skiptist í ellefu sóknir:

Barbados, administrative divisions - Nmbrs - monochrome.svg
  1. Christ Church
  2. Saint Andrew
  3. Saint George
  4. Saint James
  5. Saint John
  6. Saint Joseph
  7. Saint Lucy
  8. Saint Michael
  9. Saint Peter
  10. Saint Philip
  11. Saint Thomas
Wikimedia Commons er með margmiðlunarefni sem tengist


  Þessi landafræðigrein er stubbur. Þú getur hjálpað til með því að bæta við greinina.