Dóminíka

Úr Wikipediu, frjálsa alfræðiritinu
Stökkva á: flakk, leita
Commonwealth of Dominica
Fáni Dóminíku Skjaldamerki Dóminíku
(Fáni Dóminíku) (Skjaldarmerki Dóminíku)
Kjörorð: Après le Bondie, C'est la Ter
Þjóðsöngur: Isle of Beauty, Isle of Splendour
Staðsetning Dóminíku
Höfuðborg Roseau
Opinbert tungumál enska
Stjórnarfar Þingræði
Charles Savarin
Roosevelt Skerrit
Flatarmál
 • Samtals
 • Vatn (%)
184. sæti
750 km²
1,6
Mannfjöldi
 • Samtals (2014)
 • Þéttleiki byggðar
195. sæti
72.301
105/km²
VLF (KMJ)
 • Samtals
 • á mann
áætl. 2012
1,002 millj. dala (180. sæti)
14.166 dalir (99. sæti)
VÞL (2013) Red Arrow Down.svg 0.717 (93. sæti)
Gjaldmiðill austurkarabískur dalur
Tímabelti UTC-4
Þjóðarlén .dm
Landsnúmer 1-767

Samveldið Dóminíka (franska: Dominique; eyjakaríbíska: Wai‘tu kubuli) er eyríki sem er hluti Litlu-Antillaeyjum, mitt á milli tveggja franskra yfirráðasvæða; Guadeloupe í norðri og Martinique í suðri. Eyjan var byggð Karíbum þegar Kristófer Kólumbus kom þangað í fyrstu ferð sinni 1493. Hún dregur nafn sitt af spænska orðinu yfir sunnudag. Eyjan er 750 ferkílómetrar að stærð. Hæsti punktur hennar er eldfjallið Morne Diablotins sem nær 1.447 metra hæð. Íbúar eru rúm 70.000. Þar af búa um 16 þúsund í höfuðborginni Roseau sem er hléborðsmegin á eyjunni. Eyjan er þekkt fyrir mikla óspillta náttúrufegurð, regnskóga og ógrynni af sjaldgæfum jurtum, fuglum og dýrum. Efnahagur eyjarinnar byggist að miklu leyti á útflutningi banana og ferðaþjónustu.

Kólumbus nefndi eyjuna eftir deginum þegar hann kom þangað fyrst, sunnudegi (dominica á latínu) þann 3. nóvember 1493. Eyjan var áfram einangruð í hundrað ár eftir heimsókn Kólumbusar. Spánverjar stofnuðu ekki varanlegar nýlendur á eyjunni vegna þess hve afskekkt hún var og vegna mótspyrnu íbúanna. Frakkar stofnuðu síðan nýlendu þar árið 1715 eftir uppreisn smábænda á Martinique. Eyjan varð formlega frönsk nýlenda árið 1727 en með Parísarsáttmálanum 1763 fengu Bretar hana í sínar hendur. Frakkar reyndu að leggja eyjuna aftur undir sig 1795 og 1805 en tókst það ekki. Árið 1871 varð eyjan hluti af Bresku Hléborðseyjum. Árið 1958 varð hún hluti af hinu skammlífa Sambandsríki Vestur-Indía. Landið fékk sjálfstæði 1978 en efnahagsörðugleikar einkenndu fyrstu árin vegna fellibylja og lækkandi bananaverðs. Frá 2005 hefur efnahagur landsins vaxið, meðal annars vegna ferðaþjónustu og fjölbreyttari landbúnaðar.

Langflestir íbúar Dóminíku eru af afrískum uppruna. Aðeins 3000 íbúar sem telja sig til karíba búa í átta þorpum austanmegin á eyjunni. Enska er opinbert tungumál en margir tala líka antilleysku, sem er kreólamál á frönskum grunni. Um 80% íbúa aðhyllast rómversk-kaþólska trú. Stór hluti af Disney-kvikmyndinni Sjóræningjar Karíbahafsins: Dauðs manns kista var tekinn á eyjunni.

  Þessi landafræðigrein er stubbur. Þú getur hjálpað til með því að bæta við greinina.